Biełaruś upeŭniena praciahvaje svajo pastupalnaje raźvićcio, zajaviŭ staršynia Savieta Respubliki Anatol Rubinaŭ, vystupajučy 26 červienia z zaklučnym słovam na zakryćci čaćviortaj siesii pałaty terytaryjalnaha pradstaŭnictva piataha sklikańnia.
«Dziakujučy dalnabačnaj i ŭzvažanaj palitycy, jakaja pravodzicca prezidentam, u nas zabiaśpiečany biaśpiečnyja i kamfortnyja ŭmovy žyćcia i pracy dla kožnaha čałavieka, — zajaviŭ śpikier Savieta Respubliki. — Namahańni i enierhija našaha hramadstva nakiravany nie na palityčnyja svarki i batalii, a na stvareńnie, što źjaŭlajecca załoham paśpiachovaha ekanamičnaha raźvićcia i pavyšeńnia ŭzroŭniu žyćcia hramadzian».
Rubinaŭ upeŭnieny, što «ŭ mižnarodnaj supolnaści ŭsio bolš umacoŭvajecca pazityŭnaje mierkavańnie ab Biełarusi jak ab paspachovaj i miralubivaj krainie, stabilnym i nadziejnym partniory dla supracoŭnictva».
Najvažniejšym palityčnaj padziejaj apošniaha času staršynia SR nazvaŭ čempijanat śvietu pa chakiei, jaki prajšoŭ u mai ŭ Minsku. Heta padzieja, pavodle jaho słoŭ, «dała mahčymaść mnohim tysiačam našych haściej admovicca ad stereatypaŭ naściarožanaha staŭleńnia da Biełarusi, sadziejničała šyrokamu raspaŭsiudžvańniu praŭdzivaj infarmacyi ab našaj krainie».
