Forvard futbolnaj zbornaj Uruhvaja Łuis Suares vybačyŭsia pierad italjancam Džordža Kjelini za ŭkus, jaki kaštavaŭ Suaresu dyskvalifikacyi na dzieviać matčaŭ.
27-hadovy futbalist taksama adchileny ad futboła na čatyry miesiacy za toje, što ŭkusiŭ abaroncu zbornaj Italii padčas matču Kubka śvietu.
«Praŭda takaja, što moj kaleha Džordža Kjelini fizična paciarpieŭ ad majho ŭkusu ŭ sutyknieńni sa mnoj», — zajaviŭ futbalist.
Raniej Suares kazaŭ, što straciŭ raŭnavahu i nie kusaŭ Kjelini.
«Ja škaduju ab tym, što adbyłosia, — dadaŭ Suares. — Ja prynošu prabačeńni Džordža Kjelini i ŭsioj futbolnaj siamji. Ja klanusia, što takich incydentaŭ bolš nikoli nie budzie».
0
0
0
0
0
0
