Były palitviazień Aleś Bialacki, jaki pravioŭ za kratami bolš jak tysiaču dzion i vyjšaŭ na volu pa amnistyi 21 červienia, znachodzicca ŭ svajoj pieršaj paśla vyzvaleńnia zamiežnaj pajezdcy.
1 lipienia vice-prezident Mižnarodnaj fiederacyi pravoŭ čałavieka (FIDH), kiraŭnik zakrytaha ŭładami pravaabarončaha centra «Viasna» naviedaŭ Brusiel. Jak paviedamlaje pravaabarončy sajt www.spring96.org, Bialacki sustreŭsia z pradstaŭnikami ES, kab «vykazać udziačnaść im za niastomnyja namahańni pa jaho vyzvaleńni», a taksama zaklikać «da baraćby za vyzvaleńnie ŭsich palityčnych viaźniaŭ Biełarusi i sistemnyja źmianieńni ŭ situacyi z pravami čałavieka i asnoŭnymi svabodami».
Były palitviazień zaklikaŭ pradstaŭnikoŭ ES padtrymlivać hramadzianskuju supolnaść Biełarusi ŭ baraćbie za demakratyju i pravy čałavieka.
Aleś Bialacki, hienieralny dyrektar FIDH Antuan Biernar i kiraŭnik adździeła Uschodniaj Jeŭropy i Centralnaj Azii FIDH Saša Kułajeva sustrelisia sa śpiecyjalnym pradstaŭnikom Jeŭrasajuza pa pravach čałavieka Staŭrasam Łambrynidzisam, a taksama členami Jeŭrakamisii i šeraham pasłoŭ krain ES.
2 lipienia biełaruski pravaabaronca znachodzicca ŭ Strasburhu, dzie zapłanavana jaho sustreča z Marcinam Šulcam, pieraabranym napiaredadni na pasadu prezidenta Jeŭraparłamienta, jeŭrakamisaram pa pytańniach pašyreńnia i palityki dobrasusiedstva Štefanam Fiule, hienieralnym sakratarom Savieta Jeŭropy Turbjornam Jahłandam, staršynioj Parłamienckaj asamblei Savieta Jeŭropy An Brasier, pradstaŭnikami ofisa kamisara pa pravach čałavieka Savieta Jeŭropy.
Zavieršyć zamiežnuju pajezdku sustreča z meram Paryža, jaki nadzialiŭ Alesia Bialackaha statusam hanarovaha hramadzianina francuzskaj stalicy jašče padčas jaho turemnaha źniavoleńnia.
Ciapier čytajuć
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii8
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1111
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»11
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary