Na dumku staršyni Kamiteta pa pytańniach siamji, žančyn i dziaciej Aleny Mizulinaj, smartfon Apple dapamahaje ździajśniać raspusnyja dziejańni suprać dziaciej.
Mienavita z dapamohaj iPhone, pa słovach deputata, u asnoŭnym zdymajecca dziciačaja parnahrafija. Alena Mizulina pryviała ŭ prykład vypadak u adnoj z rasijskich škoł, dzie nastaŭnik fizkultury zdymaŭ na mabilnuju pryładu Apple hvałtoŭnyja dziejańni nad školnikami, paviedamlaje lenta.ru.
Deputat taksama zajaviła, što mabilny internet usio čaściej słužyć kanałam dostupu da dziciačaha porna i inšaha niebiaśpiečnaha kantentu. Alena Mizulina nie ŭpieršyniu traplaje ŭ ŚMI. Raniej vystupiła ź inicyjatyvaj prymusić ŭsich karystalnikaŭ interneta ŭ Rasii filtravać dostup da kantentu. Zhodna ź idejaj deputata, toj, chto zachoča ŭbačyć «poŭny internet», pavinien napisać adpaviednuju zajavu apierataru, pradjaviŭšy svaje dakumienty.
