Bolš za 140 čałaviek sabralisia ŭ nacyjanalnych strojach u parku Horkaha
Kala 140 čałaviek pryjšli 3 lipienia ŭ mienski park imia Horkaha ŭ nacyjanalnych strojach i biaspłatna pakatalisia na atrakcyjonach.
Pra heta karespandentu Svabody paviedamiła pradstaŭnica pradpryjemstva «Haradzkija parki Minskzielanbuda» Lidzija Viežnaviec.
Raz na hod mienskija ŭłady zaprašajuć hramadzian pryjści ŭ park imia Horkaha ŭ vyšyvankach. Za heta prapanujuć biaspłatna pakatacca na atrakcyjonie.
«Heta i dzieci, i darosłyja, i cełyja siemji byli. Akcyja skončyłasia a 16-j hadzinie, ale ludzi ŭsio roŭna išli, i my im nie admaŭlali i katali ich na vybranym imi atrakcyjonie. Maładaja siamja była, baćka z dačkoj byli vielmi pryhoža ŭbranyja. I sałomka, i vyšyvanka, i ŭ dziaŭčynki byŭ pryhožy stroj. Mienavita nie sceničny, a admysłova, pryhoža zrobleny. Prychodziła maci z vyšyvankaj, sama vyšyvała sabie i dačce. My ličym, što sioleta ŭsio ž pryjšło mieniej, čym letaś. Mahčyma, ludzi zabylisia, što hetaja akcyja ŭ nas pravodzicca štohod. Mahčyma, u ich inšyja spravy. Ale heta pravodzicca raz na hod, mienavita na Dzień Niezaležnaści».
Raniej Mienharvykankam admoviŭ u praviadzieńni 28 červienia ŭ Miensku pieradkupalskaha šeścia ŭ nacyjanalnych strojach ź biełaruskimi vyšyvankami.
Kamientary