Siońnia ŭ 16.45 u mahiloŭskuju słužbu MNS ad minakoŭ pastupiła paviedamleńnie ab častkovym razbureńni žalezabietonnaj plity kazyrka padjezda šmatkvaternaha žyłoha doma na praśpiekcie Šmita.
Kali padraździaleńni MNS prybyli da miesca zdareńnia, to vyjavili, što hetaja plita sapraŭdy adłamałasia, mocna nachiliłasia i nie ŭpała na ziamlu tolki tamu, što abapierłasia na hazavuju trubu.
Ratavalniki zabiaśpiečyli miesca mahčymaha padzieńnia plity, paviedamili pra zdareńnie žycharam padjezda i zabłakavali vychad z domu. Rabotniki hazavaj słužby tym časam adklučyli padaču hazu.
U vyniku pry dapamozie krana plita padjezdnaha kazyrka była demantavanaja biez paškodžańnia truby i ścien doma. Ad hetaha incydenta nichto nie paciarpieŭ.
Kamientary