Žudasnaja avaryja adbyłasia pablizu vioski Levanišyna Vierchniadzvinskaha rajona.
Jak paviedamili va ŭpraŭlenni Dziaržaŭtainśpiekcyi MUS krainy, žychar Połacka na krutym pavarocie nie spraviŭsia z kiravańniem svaim «Folksvahienam» i vyjechaŭ na sustrečnuju pałasu, dzie sutyknuŭsia z aŭtobusam «MAZ». U vyniku avaryi zahinuŭ sam kiroŭca i troje jaho pasažyraŭ.
Dziaržaŭtainśpiekcyja ŭ čarhovy raz źviartajecca da kiroŭcaŭ transpartnych srodkaŭ i piešachodaŭ być asabliva pilnymi. Bo situacyja na darohach krainy i ŭ bližejšy čas zastaniecca davoli składanaj: na bolšaj častcy terytoryi tuman, hałalod, na mastach i puciepravodach vierahodna ŭzniknieńnie hałalodzicy. Supracoŭniki DAI rajać kiroŭcam u takich umovach nie rabić ryzykoŭnych manieŭraŭ. Padčas ruchu ŭ tumanie nieabchodna źmienšyć chutkaść i abaviazkova ŭklučyć bližniaje śviatło far albo «procitumanki».