Vykanaŭčy dyrektar niamieckaha kancerna Rupiert Štadler zajaviŭ: jaho kampanija admaŭlajecca ad honki z BMW i Tesla pa raspracoŭcy madelaŭ z elektryčnymi siłavymi ŭstanoŭkami.
Pryčyna banalnaja: małaja kolkaść pradanych elektramabilaŭ. A kali tak, treba vyrablać toje, što kupiać, i ŭsio roŭna, što ekałohija ad hetaha nie ŭ zachapleńni. Dobra jašče, što ŭ Audi vybrali nie samy horšy kirunak — hibrydy.
«Padčas apytańniaŭ klijentaŭ Tesla vyśviatliłasia: kali b u Audi Q7 była hibrydnaja madyfikacyja, jany b spynilisia na joj, — cytuje słovy Štadlera vydańnie What Car?. — My ŭpeŭnienyja, što abrali pravilny šlach: elektrakary prastojvajuć u šou-rumach, što nijak nie palapšaje navakolnaje asiarodździe. My chočam rabić aŭtamabili, jakija buduć pradavacca».
Nie abyjšłosia i biez špilki ŭ adras BMW. Pa słovach Štadler, ekałahičnyja madeli i3 i i8 nielha nazvać dasiahnieńniem, bo dla ich zborki pryjšłosia ŭzvodzić asobny kanviejer. Zatoje Audi hatova pabudavać hibrydy na bazie ŭžo isnujučych madelaŭ, što daść mahčymaść naładzić ich vytvorčaść na isnujučych zavodach.
Prychilnikam čatyroch kolcaŭ Štadler paabiacaŭ chutkaje źjaŭleńnie hibrydnych madyfikacyj va ŭsiedarožnika Q7, siedana A8 i padoŭžanaj viersii A6.
Ahladajučy aŭtapark našaj krainy, davodzicca z sumam pryznać: navat pry časovaj admienie ŭvaznych mytnych pošlin na elektramabili, na darohach pa-raniejšamu mašyny, jakija pryvodziacca ŭ ruch ruchavikom unutranaha zharańnia. Pierśpiektyŭ niama: infrastruktura z «chutkimi» zaradnymi stancyjami dla elektramabilaŭ nie raźvivajecca. Łohika inviestaraŭ zrazumiełaja: kali niama elektramabilaŭ, navošta ŭkładvać hrošy ŭ stancyi? Spažyŭcy padtakvajuć: aŭtamabil, jaki paśla nočy «pavolnaj» zaradki zdolny prajechać nie bolš za 150 km, im nie patrebny. Alternatyva ŭ vyhladzie aŭtamabilaŭ na soniečnych batarejach, hatovych ad biaspłatnaj zaradki prajechać try hadziny, surjozna pakul nie razhladajecca. A škada: sabrać taki cud sa starych mašyn atrymałasia navat našamu suajčyńniku. Praŭda, dla hetaha pryjšłosia źjechać na Kipr.
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3737
Kamientary