«U bližejšyja sutki sinaptyčnaja situacyja nie źmienicca. I tolki pa paŭnočnym zachadzie adabjecca ŭpłyŭ frantalnaha padziełu», — raspaviała hałoŭny sinoptyk Respublikanskaha hidramieteacentra Ludmiła Paraščuk. Na zachadzie krainy projduć karotkačasovyja daždžy, prahrymiać navalnicy. Tempieratura pavietra ŭnačy składzie plus 14—20 hradusaŭ, u dzionnyja hadziny pavietra prahrejecca da 30—34 hradusaŭ. Pa paŭnočnym zachadzie pry najaŭnaści abłokaŭ prahnazujecca 26—29 hradusaŭ.
Pavodle Ludmiły Paraščuk, na vychodnych i na pačatku nastupnaha tydnia terytoryja krainy budzie taksama znachodzicca ŭ poli pavyšanaha atmaśfiernaha cisku, sfarmiravanaha ŭ trapičnym haračym suchim pavietry.
Pry nievialikaj vobłačnaści śpiakota ŭzmocnicca. Tempieratura pavietra ŭnačy składzie plus 15—20, dniom budzie ad 30 da 34, miescami da 35—36 hradusaŭ.
U siaredzinie nastupnaha tydnia nadvorje ŭ krainie budzie vyznačać ciopłaja paŭdniova-zachodniaja pieryfieryja antycykłonu z centram nad paŭnočnym zachadam jeŭrapiejskaj terytoryi Rasii.
Tempieratura pavietra čakajecca nočču ad 14 da 20 hradusaŭ, dniom — ad 27 pa paŭnočnym uschodzie da 33 hradusaŭ pa paŭdniovym zachadzie krainy. U asobnych rajonach projduć karotkija navalničnyja daždžy
Kamientary