«У бліжэйшыя суткі сінаптычная сітуацыя не зменіцца. І толькі па паўночным захадзе адаб'ецца ўплыў франтальнага падзелу», — распавяла галоўны сіноптык Рэспубліканскага гідраметэацэнтра Людміла Парашчук. На захадзе краіны пройдуць кароткачасовыя дажджы, прагрымяць навальніцы. Тэмпература паветра ўначы складзе плюс 14—20 градусаў, у дзённыя гадзіны паветра прагрэецца да 30—34 градусаў. Па паўночным захадзе пры наяўнасці аблокаў прагназуецца 26—29 градусаў.
Паводле Людмілы Парашчук, на выходных і на пачатку наступнага тыдня тэрыторыя краіны будзе таксама знаходзіцца ў полі павышанага атмасфернага ціску, сфарміраванага ў трапічным гарачым сухім паветры.
Пры невялікай воблачнасці спякота ўзмоцніцца. Тэмпература паветра ўначы складзе плюс 15—20, днём будзе ад 30 да 34, месцамі да 35—36 градусаў.
У сярэдзіне наступнага тыдня надвор'е ў краіне будзе вызначаць цёплая паўднёва-заходняя перыферыя антыцыклону з цэнтрам над паўночным захадам еўрапейскай тэрыторыі Расіі.
Тэмпература паветра чакаецца ноччу ад 14 да 20 градусаў, днём — ад 27 па паўночным усходзе да 33 градусаў па паўднёвым захадзе краіны. У асобных раёнах пройдуць кароткія навальнічныя дажджы
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі33
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі3
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары