Zanadta śpiakotna ŭ ofisie? Maješ prava syści dadomu raniej! 

U Biełarusi panuje nadzvyčajnaja śpioka. Takoje nadvorje lepš za ŭsio pieračakać, ležačy ŭ ciańku na bierazie mora ci voziera sa šklankaj prachładnaha napoju ŭ ruce. Na žal, doŭhija letnija kanikuły — dla školnikaŭ i studentaŭ. Bolšaści ž uletku davodzicca pracavać.

Dobra, kali pracoŭnaje pamiaškanie abstalavana kandycyjanieram ci inšaj sistemaj padtrymańnia aptymalnaj tempieratury pavietra. A kali kandycyjaniera niama, i praca ŭ dušnym haračym pamiaškańni prynosić chiba što pakuty? Dy i na pracazdolnaści i stanie zdaroŭja praca pry vysokich tempieraturach adbivajecca nie lepšym čynam.

U takim vypadku supracoŭnik musić viedać svaje pravy, a najmalnik — abaviazki.

Pavodle Pracoŭnaha kodeksa, najmalnik musić «zabiaśpiečvać na kožnym pracoŭnym miescy ŭmovy pracy, jakija adpaviadajuć patrabavańniam pa achovie pracy, vykonvać vyznačanyja narmatyŭnymi pravavymi aktami, u tym liku techničnymi narmatyŭnymi pravavymi aktami, patrabavańni pa achovie pracy, a pry adsutnaści ŭ narmatyŭnych pravavych aktach, u tym liku ŭ techničnych narmatyŭnych pravavych aktach, patrabavańniaŭ pa achovie pracy prymać nieabchodnyja miery, jakija zabiaśpiečvajuć zachavańnie žyćcia, zdaroŭja i pracazdolnaści rabotnikaŭ u pracesie pracoŭnaj dziejnaści».

Patrabavańni da tempieraturnaha režymu ŭ pracoŭnych pamiaškańniach zafiksavanyja ŭ sanitarnych normach i praviłach (SNP) «Patrabavańni da mikraklimatu pracoŭnych miescaŭ u vytvorčych i ofisnych pamiaškańniach».

Tak, dla siadziačaj pracy ź nievialikaj enierhazatrataj, kudy adnosicca i praca ŭ ofisie, aptymalnaj pracoŭnaj tempieraturaj u ciopłuju paru hoda vyznačana 23-25°S pry adnosnaj vilhotnaści pavietra 40-60%.

Maksimalnaja dapuščalnaja tempieratura ŭ pamiaškańni pry takoj pracy — 28°S, adnosnaja vilhotnaść — 75%.

Kali ž tempieratura padymajecca vyšej, supracoŭnik moža dabivacca ad najmalnika skaračenia pracoŭnaha času.

Pavodle normaŭ SNP, najbolšy čas pracy ŭ pamiaškańni z tempieraturaj pavietra 28,5°S składaje 7 hadzin, pry tempieratury 29°S — 6 hadzin.

Dla prafiesij, źviazanych z bolš intensiŭnaj enierhazatrataj, musiać padtrymlivacca mienšyja tempieratury.

Tablica najbolšaha časa znachodžańnia supracoŭnika na pracoŭnym miescy pry tempieraturach vyšejšych za dapuščalnyja vieličyni vyhladaje nastupnym čynam:

Daviedka «NN»: da katehoryi Ia adnoscca pracy, jakija vykonvajucca siedziačy i supravadžajucca niaznačnymi enierhazatratami (120 kkał/h).

Pracy katehoryi Ib vykonvajucca siedziačy, stojačy ci ź nieabchodnaściu chadzić. Hetyja pracy supravadžajucca niekatorym fizičnym napružańniem (121-150 kkał/h). 

Katehoryja IIa — pracy z enierhazatratami 151-200 kkał/h, źviazanyja z pastajannaj chadoj ci pieramiaščeńniam nievialikich abjektaŭ vahoju da 1 kh. 

Da katehoryi IIb adnosiacca pracy z enierhazatratami 201-250 kkał/h, jakija źviazanyja z pastajannaj chadoj ci pieramiaščeńniam ciažaru vahoj da 10 kh. 

Samyja ciažkija pracy adnosiacca da katehoryi III. Heta pracy, jakija patrabujuć pieramiaščeńnia hruzaj vahoj bolš za 10 kh i značnych fizičnych vysiłkaŭ (enierhazatraty arhanizma bolšyja za 250 kkał/h). 

• 0
• 0
• 0
• 0
• 0
• 0
• 0
• 0