U vydańnie ŭvajšli najlepšyja litaraturaznaŭčyja i historyka‑kulturaznaŭčyja tvory aŭtara.
Tvory słavianaznaŭcy Z.Dalenhi‑Chadakoŭskaha (Adama Čarnockaha; 24.12.1784 ‑‑ 17.11.1825) upieršyniu drukujucca na Biełarusi dziakujučy Leanile Małaš, jakaja pierakłała polskamoŭnyja teksty, ukłała knihu i napisała pradmovu da jaje. Siarod tvoraŭ, źmieščanych u vydańni, — «Słavianščyna da chryścijanstva», falkłornyja zapisy, u tym liku biełaruskija narodnyja pieśni, zahadki, zamovy i zvyčai, a taksama listavańnie i ŭspaminy pra Z.Dalenhu‑Chadakoŭskaha. Tom naličvaje 448 staronak i ŭtrymlivaje błok fotailustracyj.
Adnatomnik narodnaha paeta Biełarusi Ja.Kołasa da jaho 125‑hodździa padrychtavaŭ doktar fiłałahičnych navuk Michaś Tyčyna, jaki ŭkłaŭ knihu, napisaŭ da jaje pradmovu i kamientar. Vydańnie składajecca ź vieršaŭ, paem «Novaja ziamla» i «Symon‑muzyka», apovieści «U paleskaj hłušy», apaviadańniaŭ i raździełu publicystyki pad nazvaj «Kłopat pra rodnuju movu». Tom naličvaje 720 staronak i ŭklučaje błok fotailustracyj.
Vydańnie knihi doktara fiłałahičnych navuk Adama Maldzisa prymierkavana da jaho 75‑hodździa. Pradmovu da toma napisali doktar fiłałahičnych navuk Hienadź Kisialoŭ i kandydat fiłałahičnych navuk Viačasłaŭ Čamiarycki. U vydańnie ŭvajšli lepšyja litaraturaznaŭčyja i historyka‑kulturaznaŭčyja tvory aŭtara — jaho pieršaja kniha «Tvorčaje pabracimstva», pryśviečanaja biełaruska‑polskim litaraturnym suviaziam XIX stahodździa, skaročany varyjant daśledavańnia «Biełaruś u lusterku miemuarnaj litaratury XVIII stahodździa», apisańni pošukaŭ i znachodak navukoŭcy, zroblenych im ŭ Biełarusi, Polščy i Francyi, a taksama narysy pra piśmieńnikaŭ i dziejačaŭ kultury. Tom naličvaje 472 staronki i ŭtrymlivaje błok fotailustracyj.
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja13
Kamientary