Biełaruski paŭabaronca Renan Bresan padpisaŭ kantrakt z partuhalskim kłubam «Ryu Avi».
Termin dziejańnia pahadnieńnia raźličany na dva hady, paviedamlaje Tribuna.com.
«Ryu Avi» — kłub z horada Viłu-da-Kondzi kala Portu, hulaje ŭ partuhalskaj supierlizie. U siezonie 2013-2014 hh. «Ryu Avi» zaniaŭ 11-je miesca ŭ čempijanacie krainy, dajšoŭ da finała kubka krainy. Kłub hulaje ŭ kvalifikacyi Lihi Jeŭropy (3-i raŭnd u haściach vyjhraŭ u «Hioteborha» 1:0).
Čempijanat Partuhalii sioleta startuje 17 žniŭnia. «Ryu Avi» praviadzie pieršy matč z «Sietubałam».
Nahadajem, raniej Bresan vystupaŭ u «Astanie». Adnak paśla niedoŭhačasovaha pieryjadu znachodžańnia ŭ kamandzie skasavaŭ kantrakt z kazachstanskim kłubam.
U 2010—2012 hh. Bresan, jaki pryznavaŭsia najlepšym hulcom čempijanatu krainy, paśpiachova hulaŭ za BATE. U kancy 2012 h. pierajšoŭ u rasijskuju «Ałaniju», ź jakoj vylecieŭ z rasijskaj premjer-lihi, a ŭ kastryčniku 2013 h. razarvaŭ kantakt z-za nievykanańnia kłubam finansavych abaviazkaŭ.
Cikava, što ŭ rasijskaj Vikipiedyi ŭ składzie viadomych hulcoŭ «Ryu Avi» ŭžo jość imia Bresana.
