Ministerstva abarony Rasii pačało maštabnyja vučeńni vajenna-pavietranych sił (VPS) la miažy z Ukrainaj. Pra heta paviedamlaje «Interfaks» sa spasyłkaj na pradstaŭnika Rasii Ihara Klimava. U mierapryjemstvie ŭdzielničaje kiraŭnictva VPS i supraćpavietranaj abarony (SPA) Zachodniaj i Centralnaj akruhaŭ Rasii.
Aleh Charsiejeŭ, Kommiersant
Pa słovach Klimava, takija maštabnyja vučeńni pravodziacca ŭpieršyniu. Vylety zrobiać bolš za 100 samalotaŭ i viertalotaŭ, siarod jakich źniščalniki Su-27, MiH-31, šmatfunkcyjanalnyja kompleksy Su-34, frantavyja bambaviki Su-24, viertaloty Mi-8, Mi-24 i Mi 28N.
Vučeńni projduć u dva etapy.
Na pieršym avijacyja pierabazirujecca z paŭnočnych aeradromaŭ bazavańnia Zachodniaj vajennaj akruhi na aeradromy Centralnaj vajennaj akruhi. Na druhim etapie bajavoje prymianieńnie avijacyi budzie ažyćciaŭlacca z apieratyŭnych aeradromaŭ paŭdniovaha napramku: Armavir, Krymsk, Mazdok, Marozaŭsk.
Dla adpracoŭki ŭzajemadziejańnia avijacyi i SPA padčas vučeńniaŭ buduć rabicca jak elektronnyja, tak i realnyja puski zienitnych rakiet.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)