Paabiacaŭ namieśnik ministra ekanomiki Ŭładzimier Adaškievič, kamentujučy niadaŭniaje pavyšeńnie zakupačnych i adpusknych cenaŭ na miasa‑małočnuju pradukcyju.
Namieśnik ministra patłumačyŭ rost cenaŭ šeraham pryčynaŭ: rostam vydatkaŭ na vytvorčaść miasa‑małočnaj ‑‑ ceny na dyzpaliva i benzin pavialičylisia na 45%, na ŭhnajeńni — na 35%, udvaja vyšejšymi zakupačnymi cenami na hetuju pradukcyju ŭ sumiežnych dziaržavach, ‑‑ u Biełarusi litar małaka kaštuje ciapier $0,53, u Smalensku ‑‑ $0,9, u Maskvie ‑‑ amal $1,26, značnym padaražeńniem suchoha małaka (na 70‑90%) i inšaj małočnaj pradukcyi na suśvietnym rynku. Pa słovach U. Adaškieviča, padvyšeńnie zakupačnych cenaŭ i cenaŭ na hatovuju pradukcyju dapamoža zachavać rentabelnaść małočnych zavodaŭ, jakaja za 10 miesiacaŭ skłała prykładna 13%.
Sp. Adaškievič patłumačyŭ, što pavyšeńnie cenaŭ na miasa‑małočnuju pradukcyju supravadžajecca rostam realnych hrašovych dachodaŭ nasielnictva, pavyšeńniem pensij i pavieličeńniem taryfnaj staŭki pieršaha razradu. Nahadajem, što ŭ Biełarusi z 1 listapada pracoŭnaja pensija pa ŭzrostu pavyšana ŭ siarednim na 9,3% i składaje BR345,3 tys., a taryfnaja staŭka pieršaha razradu pavyšanaja z Br65 tys. da Br70 tys. ‑‑ na 7,7%.
Varta adznačyć, što zajava U.Adaškieviča supała z čarhovym uźlotam cenaŭ na sacyjalna značnyja vidy małočnaj pradukcyi ‑‑ małako, śmiatana, tvaroh nizkaj tłustaści padaraželi na 5,5%, a małočnaja pradukcyja bolš vysokaj tłustaści ‑‑ na 14,8%. Jašče ŭ kastryčniku jon abiacaŭ, što skačka cenaŭ na sacyjalna značnyja pradukty nia budzie, jak i nia budzie vyroŭnivańnia cenaŭ na pradukty charčavańnia ź ich uzroŭniem u Rasiejskaj Federacyi. Viałosia taksama pra toje, što ceny na spažyvieckija tavary ŭ Biełarusi buduć pavyšacca ŭmierana, u ramkach inflacyi. U pryvatnaści, ceny na małočnuju pradukcyju, z ulikam pavyšeńnia zakupačnych cenaŭ, musili ŭzraści prykładna na 3% ŭ kastryčniku i listapadzie i nia bolš jak na 2% ŭ śniežni.
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ11
Kamientary