Hienieralny sakratar NATA: Vojski RF mohuć uvajści va Ukrainu pad prykryćciom humanitarnaj apieracyi
Pra heta Hienieralny sakratar Arhanizacyi Paŭnočnaatłantyčnaj damovy (NATA) Anders Foh Rasmusen skazaŭ u intervju ŭkrainskamu telekanału «Inter».
«Viadoma, my nie možam pračytać dumki prezidenta Pucina, ale mianie vielmi niepakoić novaja kancentracyja rasijskich sił la ŭkrainskich miežaŭ. My bačym vialikuju kolkaść vojskaŭ napoŭnicu uzbrojenych i hatovych da ŭvarvańnia va Ukrainu, jak tolki budzie pryniataje takoje palityčnaje rašeńnie. Ja bajusia, što Rasija rychtuje hlebu da ŭvarvańnia pad prykryćciom tak zvanaj humanitarnaj apieracyi», — adznačyŭ Rasmusen.
Hienieralny sakratar NATA taksama prahnazuje surjoznyja sankcyi ŭ dačynieńni da Rasii ŭ vypadku vajennaha ŭvarvańnia va Ukrainu.
«Nie ŭ intaresach Rasii ŭvodzić vojski va Ukrainu, tamu što ja ŭpeŭnieny, što dalejšaja interviencyja va Ukrainu pryviadzie da dalejšaj mižnarodnaj izalacyi Rasii… My nie budziem kamientavać hipatetyčnyja situacyi, ale heta dakładna paciahnie surjozny adkaz mižnarodnaj supolnaści, u tym liku bolš hłybokija i šyrokija ekanamičnyja sankcyi», — adznačyŭ Rasmusen.
Apytanka
Ciapier čytajuć
Miortvym znojdzieny ŭ Varšavie Źmicier Kaśpiarovič — 43-hadovy były palitviazień, zavierbavany KDB12
Kamientary