U lipieni 2025 hoda ŭ Rasii było pradadziena ŭsiaho dva aŭtobusy MAZ — heta ŭ 14 razoŭ mienš, čym za taki ž miesiac hodam raniej, kali było pradadziena 28 aŭtobusaŭ, śviedčać danyja ahienctva «ASM-chołdynh», praanalizavanyja vydańniem «Pozirk».
Za studzień — lipień 2025 hoda na rynku Rasii było realizavana 134 aŭtobusy MAZ (u paraŭnańni z 322 hodam raniej — źnižeńnie ŭ 2,4 raza).
Uvohule za 2024 hod MAZ pradaŭ u Rasii 504 adzinki techniki (u 2023 hodzie — 925; -45,5%), zaniaŭšy 9-je miesca pa abjomach prodažaŭ z dolaj 2,6%.
Alaksandr Łukašenka 9 krasavika 2024 hoda zajaviŭ na naradzie pa raźvićci pramysłovaści, što da 2030 hoda subjekty Rasijskaj Fiederacyi pavinny atrymać kala 40 tysiač aŭtobusaŭ, trolejbusaŭ, tramvajaŭ i elektrobusaŭ, na što ŭžo vydzielenyja hrošy. Zadača biełaruskaj pramysłovaści — zabiaśpiečyć nie mienš za 30% patrebnaha abjomu. Adnak jon pry hetym adznačyŭ, što ajčynnaja pradukcyja sastupaje anałaham jak pa canie, tak i pa jakaści.
Biełaruskija aŭtobusy padčas ruchu rehularna zaharajucca — pryčynaj hetaha nazyvajuć sankcyi, uviedzienyja suprać MAZa zachodnimi krainami, jakija pazbavili jaho častki jakasnych kamplektujučych.
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda15
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary