«Ałkahol+mietadon»: za minskaj kalcavoj darohaj 7 žniŭnia znojdzienyja trupy traich mužčyn
Pra heta paviedamiŭ žurnalistam staršynia Śledčaha kamiteta Biełarusi Valancin Šajeŭ.
«Učora za kalcavoj darohaj u Partyzanskim rajonie Minska kala vuł. Lipskaj ŭ lasnym masivie vyjaŭlenyja try trupy maładych ludziej. Dvaim ź ich 26 hadoŭ, adnamu — 35, — raspavioŭ Šajeŭ. — Jany žyli ŭ vioscy Karaloŭ Stan, stałaha miesca pracy nie mieli».
Pavodle jaho słoŭ, na trupach adsutničajuć cialesnyja paškodžańni. Vyjaŭlenyja ślady ad šmatlikich injekcyj, znojdzienyja pobač šprycy z reštkami vadkaści dajuć padstavu mierkavać, što śmierć maładych ludziej nastupiła ŭ vyniku ŭžyvańnia narkotykaŭ, adznačyŭ staršynia SK.
«Pa vynikach praviedzienych ekśpiertyz stała zrazumieła, što maładyja ludzi pamierli z-za pieradaziroŭki mietadonu», —
raspavioŭ načalnik upraŭleńnia pa narkakantroli i supraćdziejańni handlu ludźmi HUUS Minharvykankama pałkoŭnik milicyi Kanstancin Laškievič.
Zahinuŭšyja, akramia narkotykaŭ, ŭžyli vialikaje kolkaść śpirtnoha. A spałučeńnie «ałkahol + narkotyk» samo pa sabie vielmi niebiaśpiečna dla zdaroŭja i žyćcia.
Načalnik upraŭleńnia dadaŭ: jość padstavy mierkavać, što zahinułyja nabyli narkotyki ŭ asob cyhanskaj nacyjanalnaści. Mienavita jany pry realizacyi razvodziać mietadon inšym miedycynskim preparatam.
Kamientary