Hoły zvarščyk ŭ adnym kiłcie z krykam «Svabodu Šatłandyi!» biehaŭ pa homielskim Sielmašy
Supracoŭniki milicyi ŭ Homieli zatrymali apranutaha ŭ šatłandski kiłt 27-hadovaha zvarščyka adnaho z homielskich pradpryjemstvaŭ, kali jon miačom sprabavaŭ pasiekčy dźviery pažarnaha vychadu ź dziciačaha sadka.
Pavodle sb.by, zvarščyk biehaŭ pa rajonie Sielmaš, uzbroiŭšysia miačom, łukam i marhienšternam (siaredniaviečnaj zbroi, jakaja ŭjaŭlaje saboj prymacavany da łancuha mietaličny šar z toŭstymi ihołkami).
Jon napadaŭ na aŭtamašyny i pałochaŭ dziaciej pytańniem: «Dzie zamak anhlijskaha barona?»
Sa słoŭ starejšaha pamočnika prakurora Homiela Kiryła Vyšniakova, hamialčanin na praciahu troch dzion ŭžyvaŭ ałkahol, a potym źjeŭ niejkuju «cukierku». Pad uździejańniem rečyvaŭ, jakija ŭtrymlivalisia ŭ «cukiercy», jon paličyŭ siabie hierojem šatłandskaha epasu.
Na mašyny jon napadaŭ, pakolki jany zdavalisia jamu čyrvonym i zialonym drakonami. Dziciačy sad jon pryniaŭ za krepaść anhlijskaha łorda, jakuju jon pavinien byŭ uziać, i vyrašyŭ zajści z tajnaha chodu, kab zaśpieć źnianacku niepryjaciela. Mienavita tamu abjektam ataki i staŭ pažarny vychad.
Mužčyna zatrymany, adkryta kryminalnaja vytvorčaść pa artykule «Chulihanstva».
Śpiecyjalnaja chimičnaje daśledavańnie pavinna vyznačyć skład toj samaj «cukierki», jakaja hetak radykalna źmianiła śvietaŭsprymańnie zvarščyka. Akramia taho, padazravanamu daviadziecca prajści dbajnaje abśledavańnie ŭ psichijatraŭ.
U apošni čas u Homieli pačaścilisia vypadki vielmi nieadekvatnych pavodzin ludziej, jakija znachodziacca pad uździejańniem narkotykaŭ.
Rezanans atrymała nadzvyčajnaje zdareńnie, kali troje maładych ludziej ŭžyli spajs, paśla čaho dvoje ź ich vydalili treciaha vačej i parezali tvar.
A rankam 9 žniŭnia u adnym z dvaroŭ pa praśpiekcie Pieramohi na kazyrku padjezda lažaŭ hoły mužčyna. Homielskija karystalniki internetu miarkujuć, što jon taksama moh być «pad spajsam».
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič33
Kamientary