Siońnia ŭ internecie taksama źjaviłasia viersija «Łabatamii» z subtytrami na anhlijskaj movie.
Viadomy film pra rasiejska-hruzinskuju vajnu znoŭ dastupny na servisie YouTube. Pra heta režysior stužki Jury Chaščavacki paviedamiŭ sajtu charter97.org.
«YouTube paviedamiŭ ab tym, što dostup da filma adkryty na ŭsich akaŭntach. Inšaja sprava, što jaho pakul pa-raniejšamu nielha ŭbačyć na samym papularnym ź ich, dzie stužku prahledzieli bolš za 400 tysiač čałaviek. Ja nie viedaju, ci budzie film adnoŭleny na im. U liście z YouTube havorycca, što servis adkryŭ dostup da jaho pa ŭsich adrasach. Z hałoŭnaha akaŭnta videa było vydalenaje aŭtamatyčna, bo jany nie mahli sabie ŭjavić, što znojdziecca jaki-niebudź idyjot, jaki paprosić abaranić «aŭtarskija pravy», jakija jamu nie naležać», — raspavioŭ Jury Chaščavacki.
Režysior paviedamiŭ, što adkazaŭ na dziejańni kramloŭskaha palitołaha Siarhieja Kurhiniana, pa prośbie jakoha YouTube zabłakavaŭ dostup da «Łabatamii», zapampavaŭšy viersiju filma z subtytrami na anhlijskaj movie. Jana dastupnaja na servisie ź siońniašniaha dnia.
«U adkaz na demarš Kurhiniana my zapampavali film z subtytrami pa-anhielsku. Jak raz u hety momant idzie apracoŭka, i praz paru chvilin jon budzie dastupny dla prahladu. Učora, paśla taho, jak vaš sajt apublikavaŭ spasyłku na film, jaho prahledzieli kala 6 tysiač čałaviek. Heta vielmi dobra, tamu što ludzi pavinny viedać pryčyny taho, što zaraz adbyvajecca va Ukrainie. Ja vielmi časta sutykajusia z roznymi ludźmi — nie tolki z tymi, jakich nazyvajuć «lumpieny» abo «vatniki» — navat u šmatlikich intelihientnych, adukavanych surazmoŭcaŭ absalutna adsutničaje razumieńnie situacyi. Ja nie kažu, što «Łabatamija» moža całkam vypravić situacyju, ale svoj układ u heta hetaha jana moža ŭnieści. Dumaju, kali čytačy sajta raspaŭsiudziać spasyłku na film, to heta stanie lepšym adkazam kramloŭskaj prapahandzie», — skazaŭ Jury Chaščavacki.
