Rasija praciahnie akazańnie humanitarnaj dapamohi uschodnim rehijonam Ukrainy pad ehidaj Mižnarodnaha kamiteta Čyrvonaha Kryža pry kaardynacyi z uładami krainy.
Tak pres-sakratar prezidenta RF Dźmitryj Piaskoŭ rastłumačyŭ zajavu kiraŭnika rasijskaj dziaržavy Uładzimira Pucina, jaki paviedamiŭ napiaredadni, što padčas pieramovaŭ z ukrainskim kaleham Piatrom Parašenkam dasiahnutaja peŭnaja damoŭlenaść pa hetym pytańni.
«Było akcentavana, što nieabchodna praciahvać akazańnie dapamohi ŭ suviazi z raźvićciom humanitarnaj katastrofy va ŭschodnich rehijonach Ukrainy», — skazaŭ Piaskoŭ. «Akazańnie dapamohi budzie ažyćciaŭlacca pad ehidaj Čyrvonaha Kryža i pry poŭnaj kaardynacyi z ukrainskimi ŭładami», — rastłumačyŭ jon.
27 žniŭnia nočču, kali zaviaršylisia pieramovy Pucina i Parašenki ŭ Minsku, kiraŭnik rasijskaj dziaržavy paviedamiŭ, što lidary zakranuli ŭ tym liku pytańni akazańnia humanitarnaj dapamohi uschodnim rehijonam Ukrainy. «My (rasiejski bok) vykazvali zakłapočanaść humanitarnym składnikam», — skazaŭ Pucin. «Ale prezident Parašenka i nie admaŭlaje składanaść humanitarnaj situacyi; jana nie moža być acharaktaryzavanaja inakš jak katastrafičnaja», — dadaŭ jon.
Pa słovach prezidenta RF, jany kazali ab mahčymaści i nieabchodnaści akazańnia humanitarnaj dapamohi Daniecku i Łuhansku. «My damovilisia ab tym, jak my budziem uzajemadziejničać na hetym treku; nie budu zabiahać napierad, ale peŭnyja damoŭlenaści ŭ nas tut jość», — adznačyŭ jon.
Jak paviedamiŭ u paniadziełak ministr zamiežnych spraŭ Rasii Siarhiej Łaŭroŭ, Maskva nakiravała aficyjnuju notu ŭ MZS Ukrainy ź infarmavańniem ab namiery padrychtavać druhi kanvoj z humanitarnymi hruzami. Takaja ž nota, pa słovach ministra, była nakiravana MKČK.
