Premjer-ministr Finlandyi Alaksander Stub zajaviŭ, što parušeńni pavietranaj prastory krainy rasijskimi vajennymi samalotami byli zrobleny z metaj razzłavać Finlandyju.
«Vyrazna prasočvajecca sproba Rasii vyklikać złość. Źniešniepalityčnaja daktryna Rasii zasnavana na žorstkaści, na śćviardžeńni: «kali ty vyjhraŭ, ja prajhraŭ». U jaje ŭvachodzić taksama paniaćcie śfier upłyvu i hatoŭnaść pravakavać niestabilnaść pablizu ułasnych miežaŭ, jak ciapier va Ukrainie», zajaviŭ finski premjer.
Stub taksama adznačyŭ, što parušeńni ciažka ličyć vypadkovaściu. Pavodle jaho słoŭ, rasijskija vajennyja samaloty na praciahu tydnia trojčy parušyli pavietranuju prastoru Finlandyi. Palityk, tym nie mienš, nie vieryć, što da hetaha spryčyniłasia ŭsio bolš ciesnaje supracoŭnictva krainy z NATA. Pry hetym jon padkreśliŭ, što Finlandyja nie sprabuje «prabracca» ŭ NATA.
Choć parušeńni, na dumku premjera, i źviazanyja ź situacyjaj va Ukrainie, adnak Ukrainu i Finlandyju nielha paraŭnoŭvać pamiž saboj. Pavodle jaho słoŭ, u Finlandyi pryčyn dla strachu niama.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami66
Kamientary