U ES ličać, što Ukraina ŭ tupiku z-za reakcyi Rasii na «asacyjacyju»
Na ciapierašnim etapie kanflikt va Ukrainie nie moža być urehulavany palityčnym šlacham z-za niedachopu voli rasijskich kiraŭnikoŭ.
Pra heta zajaviŭ prezident Jeŭrapiejskaj Rady Hierman Van Rampiej ŭ svaim tradycyjnym vystupie pierad dypłamatami krain Jeŭrapiejskaha Sajuza.
«Hety kanflikt nie maje vajennaha rašeńnia, ale na hetym etapie niama i palityčnaha rašeńnia, tamu što niama palityčnaj voli Rasii», — skazaŭ jon.
Rampiej adznačyŭ, što kryzis va Ukrainie źjaŭlajecca samaj vialikaj pahrozaj jeŭrapiejskamu paradku biaśpieki paśla zaviaršeńnia «chałodnaj vajny».
«Uvarvańnie Rasii ŭ Krym adznačyła pavarotny punkt», — skazaŭ jon.
Prezident Jeŭrapiejskaj Rady taksama zapeŭniŭ, što ŭ situacyi z ahresijaj RF suprać Ukrainy ES «nie vystupaje ŭ zvyčajnaj roli partniora».
«Na hety raz my — bok rašeńnia, kab nie skazać — bok kryzisu. Kali Ukraina zdaść Pahadnieńnie ab asacyjacyi, kanflikt budzie zavieršany vielmi chutka. Ale jany hetaha nie zrobiać. Paśla Majdana — heta sutyknieńnie kaštoŭnaściaŭ», — pierakanany Rampiej.
Jon adznačyŭ, što hety kanflikt pačaŭsia jak kanflikt va Ukrainie, ale «heta byŭ jeŭrapiejski vybar ukraincaŭ, jaki vyklikaŭ reakcyju Rasii i jaje destabilizujučyja dziejańni».
Rampiej padkreśliŭ, što, pryniaŭšy rašeńnie prymianić da Rasii sankcyi treciaha ŭzroŭniu, ES «nikoli nie zachodziŭ tak daloka z krainaj, jakaja znachodzicca tak blizka».
«28 krain zmahli zastacca ŭ adzinstvie. I my heta zrobim znoŭ z novaj chvalaj sankcyj. Ale nie dastatkova tolki sabrać našy dziaržavy-siabry razam. Nam patrebna vialikaja kaalicyja. Viadoma, my ŭ kantakcie z «Vialikaj vaśmiorkaj», praź niekalki dzion — samit NATA», — skazaŭ prezident Jeŭrapiejskaj Rady.
Kamientary