Uźviadzieńnie atamnaj elektrastancyi pierajšło ŭ nadziemnuju stadyju budaŭnictva, paviedamili ŭ pres-słužbie RUP «Biełaruskaja atamnaja elektrastancyja».
Na enierhabłoku numar 1 BiełAES zmanciravany 1-y błok unutranaj achoŭnaj abałonki. «Heta padzieja pa značnaści paraŭnalna z zalivańniem «pieršaha bietonu». Mantaž unutranaj achoŭnaj abałonki — adzin z vuzłavych momantaŭ budaŭnictva. Tym samym my vyjšli na mantaž nadziemnaj častki stancyi», — rastłumačyŭ hienieralny dyrektar RUP «Biełaruskaja AES» Michaił Filimonaŭ.
Pavodle jaho słoŭ, unutranaja achoŭnaja abałonka (UAA) budujecca mietadam uzbujnialnaha mantažu, jaki daść mahčymaść uźvieści reaktarnaje adździaleńnie jakasna i ŭ termin.
«Uzbujnialny mantaž — vielmi efiektyŭny mietad, jaki ŭpieršyniu byŭ prymienieny na budaŭnictvie Zaparožskaj AES, a zatym vykarystoŭvaŭsia pry ŭźviadzieńni stancyj na terytoryi ŭsiaho byłoha Savieckaha Sajuza. Na žal, potym pra jaho niezasłužana zabyli. Adnak trest RASSEM zmoh zachavać technałohiju i prymianić na praktycy mietad uzbujnialnaha mantažu UAA na budaŭnictvie Novavaroniežskoj AES. Darečy, kiruje kampanijaj uradženiec Biełarusi Uładzimir Masalski», — paviedamiŭ hiendyrektar RUP «BiełAES».
Jak padkreśliŭ Michaił Filimonaŭ, mantaž pieršaha błoka UAA vykanany dakładna pa hrafiku.
Biełaruskaja AES budzie składacca z dvuch enierhabłokaŭ sumarnaj mahutnaściu da 2400 (2ch1200) MVt. Dla jaje budaŭnictva vybrany prajekt «AES-2006», jaki całkam adpaviadaje mižnarodnym normam i rekamiendacyjam MAHATE. Hienieralnym prajekciroŭščykam i hienieralnym padradčykam źjaŭlajecca abjadnanaja rasijskaja kampanija AAT «NIAEP» — ZAT «ABE».
«Kałaŭra my nie pakryŭdzili»: stała viadoma pra novaje miesca pracy byłoha staršyni Nacbanka3
Kamientary