Ukrainskija vojski atrymajuć zahad spynić ahoń 5 vieraśnia ŭ 14.00 (pa biełaruskim časie), kali na minskaj sustrečy budzie pryniaty mirny płan.
Ab hetym zajaviŭ prezident Ukrainy Piotr Parašenka žurnalistam u kułuarach samitu NATA va Uelsie paśla sustrečy ź lidarami viadučych krain aljansu.
«Ukrainskija vojski atrymajuć zahad spynić ahoń u piatnicu ŭ 11.00 (pa Hrynvičy, abo 14.00 pa biełaruskim časie), kali na minskaj sustrečy budzie padpisany pakrokavy mirny płan», — skazaŭ Parašenka.
Raniej pradstaŭnik Rady nacyjanalnaj biaśpieki i abarony Ukrainy Andrej Łysienka paviedamiŭ, što na majučaj adbycca 5 vieraśnia ŭ Minsku sustrečy kantaktnaj hrupy pa Ukrainie prezident Piotr Parašenka prapanuje svoj płan dziejańniaŭ pa mirnym urehulavańni kryzisu.
Na dumku Parašenki, płan dziejańniaŭ pavinien źmiaščać uzajemnyja abaviazacielstvy adnosna režymu dvuchbakovaha spynieńnia ahniu, jaho manitorynh i vieryfikacyju z boku ABSIE, uviadzieńnie bufiernaj pahraničnaj zony, vyzvaleńnie ŭsich załožnikaŭ, paviedamiŭ Łysienka.
«Prezident Ukrainy spadziajecca na toje, što mirny płan stanie asnovaj dla abmierkavańnia na sustrečy trochbakovaj kantaktnaj hrupy», — zajaviŭ pradstaŭnik RNBA.
U svaju čarhu Maskva raźličvaje, što na pasiadžeńni kantaktnaj hrupy ŭ Minsku baki skarystajucca płanam prezidenta RF Uładzimira Pucina. Ab hetym kiraŭnik MZS Rasii Siarhiej Łaŭroŭ zajaviŭ siońnia na sustrečy z hienieralnym sakratarom Savieta Jeŭropy T. Jahłandam. Łaŭroŭ nahadaŭ, što pa vynikach pramych kantaktaŭ z prezidentam Ukrainy rasijski prezident sfarmulavaŭ inicyjatyvu ź siami punktaŭ, jakaja «nacelena na toje, kab dapamahčy kijeŭskim uładam i apałčencam paŭdniovaha ŭschodu ŭzhadnić i skaardynavana realizavać nieabchodnyja kroki dla deeskałacyi situacyi».
