Partyi BNF admaŭlajuć u arendzie pamiaškańnia dla praviadzieńnia źjezda
Partyja BNF sutykajecca z masavymi admovami ŭ arendzie pamiaškańnia dla praviadzieńnia čarhovaha XVI źjezda arhanizacyi, jaki pryznačany na 13 vieraśnia.
Jak paviedamlaje pres-słužba partyi, u arendzie z-za roznych pryčyn admovili ŭžo prykładna 20 pałacaŭ kultury i kanfierenc-załaŭ u Minsku. Admoviŭsia vydzielić pamiaškańnie i Pałac kultury Minskaha traktarnaha zavoda, dzie apošnimi hadami prachodziła niekalki partyjnych źjezdaŭ.
9 vieraśnia Partyja BNF atrymała admovu ŭ arendzie pamiaškańnia ŭ Respublikanskim pałacy kultury imia Šarko ŭ Minsku, chacia pavodle zapatrabavańnia administracyi byli atrymanyja papiery ź Minharvykankama ab adsutnaści piarečańniaŭ nakont praviadzieńnia mierapryjemstva.
U Partyi BNF adznačajuć, što praviadzieńnie źjezda znachodzicca pad pahrozaj zryvu. Uprava partyi terminova šukaje alternatyŭnuju placoŭku dla praviadzieńnia mierapryjemstva, dla ŭdziełu ŭ jakim vyłučana pryblizna 200 delehataŭ.
«Nikoli pry padrychtoŭcy źjezdaŭ Partyi BNF my nie sutykalisia z takimi masavymi admovami ŭ arendzie pamiaškańnia, — adznačyŭ lidar partyi Alaksiej Janukievič. — Nie vyklučaju, što hetyja pieraškody stvarajucca tamu, što na pasiadžeńni płanujecca vyznačyć pazicyi partyi adnosna budučych prezidenckich vybaraŭ».
Kamientary