Piečań, hałoŭny filtr u arhaniźmie čałavieka, pieršaj sutykajecca sa zhubnymi nastupstvami škodnych zvyčak, niapravilnaha charčavańnia i drennaj ekałohii.
Kab źnizić razburalny efiekt ad dziejańnia na hety orhan roznych taksinaŭ, japonskija miedyki rekamiendujuć abaviazkova ŭklučać u svoj racyjon taki pradukt, jak avakada.
Na dumku śpiecyjalistaŭ, avakada — niepieravieršany pradukt pa svaich karysnych ułaścivaściach dla piečani. Jaho ŭžyvańnie jany ličać adnym z samych efiektyŭnych sposabaŭ detaksikacyi piečani.
«Unikalnaja zdolnaść avakada litaralna «vymiatać» z arhanizma taksiny tłumačycca jaho składam: u jaho pładach źmiaščajecca ceły kompleks vitaminaŭ, mikraelemientaŭ, charčovych vałoknaŭ, arhaničnych kisłot i inšych niezamiennych dla čałavieka rečyvaŭ», — patłumačyli ekśpierty svaju pazicyju.
U pracesie daśledavańnia byli zadziejničany łabaratornyja pacuki, jakija atrymlivali niaznačnyja dozy atrutnaha rečyva hałaktazaminu. Hetym žyviołam skarmili dvaccać dva hatunki roznaj sadaviny z metaj vyznačeńnia stupieni ich uździejańnia na piečań. Miedyki vyśvietlili, što ŭ tych hryzunoŭ, u racyjonie jakich byŭ avakada, piečań paciarpieła mienš za ŭsio.
Sami daśledčyki pryznalisia, što karysnyja ŭłaścivaści avakada nie stali dla ich čym-niebudź niečakanym. Hety płod i raniej demanstravaŭ padčas ekśpierymientaŭ dziŭnyja zdolnaści azdaraŭlać arhanizm. Viadoma, u pryvatnaści, što ŭ avakada źmiaščajecca niamała folijevaj kisłaty — rečyva, jakoje źmianšaje imaviernaść uźniknieńnia anamalij pryrodžanaha typu ŭ dziaciej. Taksama ŭ skład avakada ŭvachodzić aleinavaja kisłata, jakaja zabiaśpiečvaje zdaroŭje serca i sasudaŭ. Što tyčycca kankretna piečani, to možna ŭspomnić pra bolš rannija daśledavańni, jakija pravodzilisia ŭ Kitai: jany pakazali, što ŭžyvańnie nasyčanych vitaminam Je praduktaŭ viadzie da źnižeńnia ryzyki ŭźniknieńnia ŭ piečani złajakasnaj puchliny. Avakada bahataje vitaminami Je i S. Tamu navukoŭcy nastojliva rekamiendujuć raznastaić svajo mieniu hetymi karysnymi pładami.
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3636
Kamientary