Dziaržstandart spyniŭ prodaž arelaŭ kitajskaj vytvorčaści

Dziaržstandart spyniŭ realizacyju niebiaśpiečnych dziciačych arelaŭ kitajskaj vytvorčaści, paviedamili ŭ kamitecie. 

Pradukcyja, jakaja nie adpaviadaje patrabavańniam techničnych narmatyŭnych pravavych aktaŭ, vyjaŭlena Homielskaj abłasnoj inśpiekcyjaj Dziaržstandarta pry praviercy PHUP «KitanEkspa» — aptovaj arhanizacyi, jakaja impartuje ŭ krainy Mytnaha sajuza tavary dla dziaciej i padletkaŭ, cacki. 

Padčas pravierki było ŭstanoŭlena, što partyja arelaŭ Butterfly kitajskaj vytvorčaści nie adpaviadała patrabavańniam pa biaśpiecy, ustanoŭlenym u techničnym rehłamiencie MS «Ab biaśpiecy cacak» (TR MS 008/2011) i ŭzajemaźviazanym ź im dziaržaŭnym standarcie STB JEN 71-8-2006 «Cacki. Patrabavańni biaśpieki. Častka 8. Areli, horki i anałahičnyja cacki dla aktyŭnaha adpačynku ŭ pamiaškańni i na adkrytym pavietry». 

U pryvatnaści, kanstruktyŭnaje vykanańnie haryzantalnaj pierakładziny, jakaja ściahvaje apornyja ramy ŭ arelach, stvarała ryzyku traŭmiravańnia dziaciej. Šarnirnaje złučeńnie na hetaj pierakładzinie nie zabiaśpiečvała žorstkuju fiksacyju, što navat pry niaznačnym namahańni spryjała ŭtvareńniu ščylin, u jakija mahli trapić i zaščamicca palcy dziciaci. 

Niahledziačy na defiekty ŭ kanstrukcyi, rasijski orhan pa siertyfikacyi TAA «Alsiena» (Maskva) vydaŭ siertyfikat adpaviednaści biełaruskamu imparcioru, pry hetym pratakoł vyprabavańniaŭ pradstaŭleny nie byŭ. 

Dla acenki dziejnaści rasijskaha orhana pa siertyfikacyi aficyjnaja infarmacyja ab vynikach pravierki budzie nakiravana ŭ Fiederalnuju słužbu pa akredytacyi «Rosakredytacyja». Padčas pravierki fakt realizacyi arelaŭ u roźničnaj handlovaj sietcy na terytoryi Biełarusi nie ŭstanoŭleny. PHUP «KitanEkspa» vydadziena pradpisańnie ab zabaronie realizacyi ŭkazanaj pradukcyi na sumu bolš jak 20 młn. rubloŭ. 

Usiaho ŭ studzieni—žniŭni 2014 hoda, pavodle infarmacyi Dziaržstandarta, pry realizacyi ŭ handlovych arhanizacyjach było pravierana bolš jak 5.800 najmieńniaŭ cacak. Parušeńni ŭstanoŭlenyja ŭ 64,2% vypadkaŭ. Pravieranyja kubiki, lalki, areli, samakaty, roznyja hulni i nabory, muzyčnyja, draŭlanyja i inšyja cacki čaściej za ŭsio nie adpaviadali patrabavańniam pa biaśpiecy, markiroŭcy, mieli vostryja bieražki, skoły, zavusienicy, realizoŭvalisia bieź siertyfikataŭ adpaviednaści. Pa vynikach nahladnych mierapryjemstvaŭ była zabaroniena realizacyja cacak bolš čym na 580 młn. rubloŭ.

• 0
• 0
• 0
• 0
• 0
• 0
• 0
• 0