Urad RF razhladaje pytańnie ab abmiežavańni hraničnych abjomaŭ biaspošlinnaha ŭvozu rasiejcami ałkaholu z Kazachstana i Biełarusi ŭ Rasiju dla asabistych patreb piaćciu litrami, paviedamiŭ žurnalistam ministr finansaŭ Rasii Anton Siłuanaŭ.
«Va ŭradzie razhladajuć prapanovy pa vyznačeńni hraničnych pamieraŭ ŭvozu ałkaholu ŭ Rasiju dla asabistych patreb. My ŭstaloŭvajem abmiežavańnie na ŭvoz ałkaholu - nie bolš za piać litraŭ. Heta pakul prapanova», - cytuje čynoŭnika RIA Naviny.
Pa słovach ministra, heta źviazana z tym, što rehijony stali niedaatrymlivać pastupleńni ad akcyzaŭ na ałkahol z-za «šeraha» impartu ałkaholnaj pradukcyi z Kazachstana, dzie staŭki akcyzaŭ istotna nižejšyja za rasijskija. Pry hetym nijakich abmiežavańniaŭ na ŭvoz ałkaholnaj pradukcyi z hetych krain nie ŭstanoŭlena.
Taksama, pa słovach Siłuanava, ułady majuć namier zrabić bolš žorstkim kantrol za prodažam ałkaholu ŭ roźničnych sietkach biez akcyznych marak.
U pačatku hoda deputaty i Rosałkaholrehulavańnie ŭžo rychtavali zakonaprajekty ab abmiežavańni ŭvozu ŭ Rasiju fizičnymi asobami ałkaholnaj pradukcyi z Mytnaha sajuza. Zroblena heta było dla vyrašeńnia prablemy niaŭzhodnienaści akcyznaj palityki Rasiei i Kazachstana. Adnak los hetych zakonaprajektaŭ nieviadomy.
