Biehły rasijski deputat Mitrafanaŭ pazbaŭleny pasady ŭ Dziarždumie
Dziaržduma vyrašyła źniać z pasady staršyni kamiteta pa infarpalitycy viadomaha deputata Alaksieja Mitrafanava.
U červieni parłamient pa prośbie hienprakuratury pazbaviŭ Mitrafanava niedatykalnaści pa padazreńni ŭ machlarstvie. Sam jon źjechaŭ za miažu, spasyłajučysia na nieabchodnaść lačeńnia. Spačatku jon kazaŭ, što sam zacikaŭleny ŭ adkrytym i dbajnym rasśledavańni vystaŭlenych suprać jaho abvinavačvańniaŭ i hatovy sustrecca sa śledčymi, ale da hetaha času ŭ Rasiju nie viarnuŭsia.
Deputat Dziarždumy piaci sklikańniaŭ — fihurant kryminalnaj spravy ab vymahalnictvie. Śledstva ličyć, što palityk, a taksama jaho pamočnik Alaksandr Dziareŭščykaŭ, sudovy prystaŭ Ali Kadzojeŭ i Radyš Saŭcijeŭ zapatrabavali ad biznesmena Viačasłava Žarova $200 tys., paabiacaŭšy sadziejničańnie ŭ arbitražnym razhladzie.
Mitrafanaŭ pierajšoŭ z ŁDPR ŭ «Spraviadlivuju Rasiju» pierad pazaminułymi dumskimi vybarami. Z-za jaho adyjoznaści žurnalisty časta nazyvali palityka «druhim Žyrynoŭskim».
Naprykład, u 2005 hodzie Mitrafanaŭ udzielničaŭ u napisańni scenara i stvareńni skandalnaha pornafilma «Julija», za što adnapartyjcy vynieśli jamu hańbavańnie.
U 2006 hodzie jon prapanavaŭ uznaharodzić salistak hrupy «Tatu» ordenam Družby, što taksama było aceniena nieadnaznačna.
Rasijskaja bulvarnaja presa jašče ŭ 1990-ja hady nazyvała Mitrafanava albo synam niabožčyka kiraŭnika KDB SSSR i hienieralnaha sakratara CK KPSS, albo unukam ministra zamiežnych spraŭ SSR Andreja Hramyki. Sam Mitrafanaŭ hetyja čutki nie asprečvaŭ, ale i paćvierdžańniaŭ im niama.
«Spraviadlivaja Rasija» ŭžo vyłučyła na vyzvalenuju pasadu Leanida Levina.
-
HUR pravioŭ novuju dyviersiju: abiastočyŭ abjekty rasijskaha VPK u Kalininhradzie
-
Iran zajaviŭ, što hatovy zaklučyć pahadnieńnie, jakoje harantuje adsutnaść u jaho jadziernaj zbroi, i patrabuje spynić Izrail
-
Častka iranskich rakiet iznoŭ prabiła «Žalezny ščyt» Izraila, adzin hmach razburany daščentu
Ciapier čytajuć
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary