Siońnia baskietbolny kłub «Cmoki-Minsk» prezientavaŭ kamandy siezona 2014/15 h.
Hienieralny dyrektar kłuba Juryj Šakoła nazvaŭ minuły hod samym paśpiachovym u historyi kłuba.
U novym siezonie kłub budzie ŭdzielničać u čempijanacie Biełarusi, Jeŭračelendžy i Adzinaj lizie VTB. U suviazi z tym, što kiraŭnictva Adzinaj lihi VTB vyrašyła ŭ hetym hodzie nie dzialić kamandy na hrupy, «Cmokam» daviadziecca pravieści 30 matčaŭ u hetym turniry.
Uletku kłub pakinuli Alaksiej Traścianiecki, Dzianis Koršuk, Demonte Charpier i Vinsent Chanter. Adnak da kłuba dałučylisia dva amierykanskija lehijaniery Rašan Frymen i Redžer Daŭeł, a taksama biełarusy Alaksandr Kudraŭcaŭ, Alaksandr Siemianiuk i Dzianis Pastuchoŭ.
Skład mužčynskaj kamandy «Cmoki-Minsk» u hetym siezonie nastupny: Pavał Uljanka, Redžer Daŭeł, Rašan Frymen, Raman Rubinštejn, Branka Mirkavič, Alaksiej Łaškievič, Jaŭhien Bielankoŭ, Dzianis Pastuchoŭ, Alaksandr Siemianiuk, Vital Lutyč, Mikita Mieščarakoŭ i Alaksiej Kudraŭcaŭ. Hałoŭny trenier kamandy — Alaksiej Kryvanos, jamu asistujuć Raścisłaŭ Varhun i Rymantas Hryhas.
Za žanočuju kamandu hulajuć Ała Muraŭskaja, Kaciaryna Urbanovič, Volha Ziuźkova, Maryja Papova, Kaciaryna Kalvinkoŭskaja, Dyjana Sizonava, Viktoryja Pankova, Volha Vaškievič, Kaciaryna Pratasievič, Jaŭhienija Ściapanava, Julija Haponava, Žanna Haradzieckaja, litoŭskaja lehijanierka Hiedre Puhajcie i Andoła Dorč z ZŠA. Trenirujuć žanočuju kamandu Andrej Vaŭleŭ, Siarhiej Śvietnik i Alaksiej Pyncikaŭ.
Raskład matčaŭ Adzinaj lihi VTB možna pahladzieć tut. Pieršaja hulnia adbudziecca 11 kastryčnika suprać rasijskich «Chimak». Kalendar Jeŭračelendžu dastupny pa nastupnaj spasyłcy. Raskład hulniaŭ Jeŭrakubka žanočaj kamandy «Cmokaŭ» možna znajści tut.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary