Сёння баскетбольны клуб «Цмокі-Мінск» прэзентаваў каманды сезона 2014/15 г.
Генеральны дырэктар клуба Юрый Шакола назваў мінулы год самым паспяховым у гісторыі клуба.
У новым сезоне клуб будзе ўдзельнічаць у чэмпіянаце Беларусі, Еўрачэленджы і Адзінай лізе ВТБ. У сувязі з тым, што кіраўніцтва Адзінай лігі ВТБ вырашыла ў гэтым годзе не дзяліць каманды на групы, «Цмокам» давядзецца правесці 30 матчаў у гэтым турніры.
Улетку клуб пакінулі Аляксей Трасцянецкі, Дзяніс Коршук, Дэмонтэ Харпер і Вінсэнт Хантэр. Аднак да клуба далучыліся два амерыканскія легіянеры Рашан Фрымэн і Рэджэр Даўэл, а таксама беларусы Аляксандр Кудраўцаў, Аляксандр Семянюк і Дзяніс Пастухоў.
Склад мужчынскай каманды «Цмокі-Мінск» у гэтым сезоне наступны: Павал Ульянка, Рэджэр Даўэл, Рашан Фрымэн, Раман Рубінштэйн, Бранка Міркавіч, Аляксей Лашкевіч, Яўген Белянкоў, Дзяніс Пастухоў, Аляксандр Семянюк, Віталь Лютыч, Мікіта Мешчаракоў і Аляксей Кудраўцаў. Галоўны трэнер каманды — Аляксей Крыванос, яму асістуюць Расціслаў Варгун і Рымантас Грыгас.
За жаночую каманду гуляюць Ала Мураўская, Кацярына Урбановіч, Вольга Зюзькова, Марыя Папова, Кацярына Кальвінкоўская, Дыяна Сізонава, Вікторыя Панкова, Вольга Вашкевіч, Кацярына Пратасевіч, Яўгенія Сцяпанава, Юлія Гапонава, Жанна Гарадзецкая, літоўская легіянерка Гедрэ Пугайце і Андола Дорч з ЗША. Трэніруюць жаночую каманду Андрэй Ваўлеў, Сяргей Светнік і Аляксей Пынцікаў.
Расклад матчаў Адзінай лігі ВТБ можна паглядзець тут. Першая гульня адбудзецца 11 кастрычніка супраць расійскіх «Хімак». Календар Еўрачэленджу даступны па наступнай спасылцы. Расклад гульняў Еўракубка жаночай каманды «Цмокаў» можна знайсці тут.
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў4
Каментары