64-hadovy Uładzimir Krykunoŭ uznačaliŭ chakiejnuju zbornuju Biełarusi. Kantrakt budzie padpisany 25 vieraśnia ŭ vialikaj kanfierenc-zale Domie futboła, jaki dzielić adzin budynak ź Fiederacyjaj chakieja.
Paśla padpisańnia pahadnieńnia Krykunoŭ daść pres-kanfierencyju, paviedamiła pres-słužba FCHRB.
Trenier kiravaŭ biełaruskaj zbornaj u 2001—2003 hadach. U jaho aktyvie čaćviortaje miesca na Alimpijadzie-2002 u Sołt-Lejk-Sici: najvyšejšaje dasiahnieńnie kamandy na AH. U tym ža hodzie zbornaja viarnułasia ŭ top-dyvizijon čempijanatu śvietu, adnak praz hod znoŭ vybyła ź jaho, što stała pryčynaj adstaŭki Krykunova.
Uładzimir Krykunoŭ vystupaŭ za minskaje «Dynama» ŭ 1982—1984 hadach i treniravaŭ hetu kamandu ŭ 1985—1991 hadach. Pracavaŭ sa zbornymi Rasii i Kazachstana, kłubami KCHŁ, niekalki hadoŭ pravioŭ u Słavienii.
