Va ŭmovach 40-hradusnaj śpioki studenty z Univiersiteta Hiejdelbierha adbirajuć uzory reštkaŭ žyvioł, jakija žyli na rubiažy krejdavaha i tracičnaha pieryjadaŭ. Fota spiegel.de
Hiektar Ryviera Silva z Muzieja Pustyni ŭ Salcilja (administracyjny centr štata Koauiła) pakazvaje znojdzienyja pazvanki dynazaŭra. Fota spiegel.de
Paleantołahi z Hiermanii ukryvajuć kostki dynazaŭraŭ falhoj i piaskom, kab abaranić ich ad atmaśfiernych uździejańniaŭ. Fota spiegel.de
U pustyni mieksikanskaha štata Koauiła praciahvajucca raskopki najbujniejšaha pachavańnia dynazaŭraŭ.
Na ŭčastku pamieram 50 na 200 m niamieckija paleantołahi i ich mieksikanskija kalehi vyjavili pareštki 14 dynazaŭraŭ. Na addaleńni ŭ niekalki km byli znojdzienyja škilety jašče 15 žyvioł. Akramia škiletaŭ dynazaŭraŭ, paleantołahi raskapali astanki krakadziłaŭ, rańnich sasunoŭ i čatyroch vidaŭ čarapach. Niepadalok ad miesca daśledavańnia taksama byli znojdzienyja ślady, pakinutyja drapiežnymi dynazaŭrami, u pryvatnaści, Tyranazaŭram.
«Ja nie viedaju nivodnaha miesca, dzie była znojdziena takaja kolkaść dynazaŭraŭ na takoj nievialikaj płoščy», - prakamientavaŭ prafiesar Volfhanh Štynieśbiek z univiersiteta Hiejdelbierha (Hiermanija).
Kala 70 młn hadoŭ tamu ŭ hetym rehijonie znachodziłasia vialikaja račnaja delta z raźvitoj ekasistemaj.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)