Kožnaja piataja škoła ŭ Rasii znachodzicca ŭ avaryjnym stanie. 46% daroh – u nieprymalnym stanie. Taki realny stan Rasijskaj Fiederacyi. Heta taksama adlustravańnie stanu orhanaŭ ułady, jakija adkazvajuć za adukacyju i darohi, — miascovych orhanaŭ ułady.
Takija ličby pryvioŭ u svaim dakładzie «Miascovaje «samakiravańnie» ŭ niedemakratyčnym režymie: prablemy lehitymnaści, efiektyŭnaści i adkaznaści» na 4-m Kanhresie daśledčykaŭ Biełarusi zaprošany z Rasii hość – doktar palityčnych navuk z Vyšejšaj škoły ekanomiki (Maskva) Raścisłaŭ Turoŭski.
Fiedaralizm u Rasii taksama isnuje tolki na papiery, praciahnuła jahonyja dumki doktar palityčnych navuk, kaleha pa VŠE Iryna Busyhina.
Kanhres daśledčykaŭ Biełarusi prachodzić u Koŭnie (Litva). Na jaho źjechalisia 480 navukoŭcaŭ. Temy piatnaccaci siekcyj achoplivajuć samyja roznyja pytańni: ad nastupstvaŭ ukrainskaha kryzisu dla Biełarusi, praz prablemy historyi VKŁ, da daśledavańniaŭ maskulinnaści.
Turoŭski i Busyhina mieli słova na siekcyi «Miascovyja instytuty i palityka ŭ Centralnaj i Uschodniaj Jeŭropie».
Samakiravańnie ŭ Rasii, jak i ŭ Biełarusi, pieratvaryłasia ŭ instytut aŭtarytarnaha režymu. Jano zajmajecca nie tolki łakalnymi haspadarčymi i kamunalnymi pytańniami, ale i palityčnym kantrolem.
Jakija nadziei na toje, što situacyja źmienicca?
Niama nijakich nadziej na pieramieny źnizu, kaža Iryna Busyhina. «Krytyčnaj masy niezadavolenych niama. Bo miežy adkrytyja. Maje studenty adjazdžajuć z Rasii pačkami, až płakać chočacca», — kaža Busyhina.
Nacyjanalnyja respubliki taksama nie majuć vialikaha ŭpłyvu ŭ fiederalnym maštabie.
Pieramieny mohuć pryjści tolki praz raskoł elit. Ale pry ciapierašnich cenach na naftu raskoł elit taksama niejmavierny, miarkujuć maskoŭskija palitołahi.
Na efiekt zachodnich sankcyj raźličvać nie vypadaje. Tolki kali buduć taki sankcyi, jakija zvarušać siaredni słoj, tolki tady mohuć uźniknuć pieradumovy dla pieramien źnizu, kaža Busyhina.
Najchutčej, taja samaja asoba zastaniecca prezidentam Rasii jašče na adzin termin, zaklučyŭ Turoŭski. Ale pytańnie, ź jakoj prahramaj jon pojdzie na druhi termin.
Ciapier čytajuć
Za palityku asudzili šmatdzietnaha baćku-viernika. Jaho žonka pamierła dva hady tamu5
Za palityku asudzili šmatdzietnaha baćku-viernika. Jaho žonka pamierła dva hady tamu
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary