Prarasijskaja partyja «Zhoda» rychtujecca asprečyć vyniki vybaraŭ u Łathalii, paviedamiŭ u svaim profili ŭ sacyjalnaj sietcy Facebook lidar partyi Nił Ušakoŭ.
«Źjaŭlajecca ŭsio bolš źviestak ab parušeńniach padčas vybaraŭ u Łathalii (rehijon ź pieravahaj ruskamoŭnaha nasielnictva). My zaraz źbirajem usie źviestki ab mahčymych parušeńniach, i hatovyja asprečyć vyniki vybaraŭ u hetym rehijonie», — piša Ušakoŭ.
Palicyja biaśpieki praviaraje zajavu člena «Adzinstva» Jurysa Vidzińša, jaki śćviardžaje, što ŭ jaho rasparadžeńni jość fakty, jakija śviedčać ab masavym podkupie vybarščykaŭ u asobnych krajach Łathalii. Pa słovach Vidzińša, za «patrebnaje» hałasavańnie na karyść Dzintarsa Zakisa («Adzinstva») prapanoŭvalisia sumy ad 5 da 40 jeŭra. Zakis abvinavačvańni adkidaje.
Jak paviedamlałasia raniej, parłamienckija vybary ŭ Łatvii vyjhrała prarasijskaja partyja «Zhoda», jakaja ŭ 12-m Siejmie budzie pradstaŭlena 24 deputatami. Adnak jana nie zmoža sfarmiravać urad.
Tak, 23 mandaty atrymała partyja «Adzinstva», 21 — Sajuz «zialonych» i sialan, 17 — Nacyjanalnaje abjadnańnie, jakija, vidać, i sfarmujuć kaalicyju. Admoŭna nakont supracoŭnictva ź lidaram «Zhody» Ušakovym vykazałasia i premjer Łatvii Łajmdota Straŭjuma, zajaviŭšy, što im nie pa darozie.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary