Hulec zbornaj Ukrainy: Pieramohu nad Biełaruśsiu pryśviacim chłopcam, jakija zmahajucca na froncie
Pieramohu nad biełaruskaj zbornaj u adboračnym matčy čempijanatu Jeŭropy 2016 hoda ŭkrainskija futbalisty pryśvieciać balelščykam i tym chłopcam, jakija zmahajucca na froncie.
Pra heta zajaviŭ paŭabaronca zbornaj Ukrainy Jaŭhien Kanaplanka na pres-kanfierencyi ŭ Minsku 8 kastryčnika.
«My addadzim usio na poli dziela pieramohi», — skazaŭ jon.
«Vy sami cudoŭna razumiejecie, što abyjakavych ludziej niama, tym bolš u zbornaj, — skazaŭ hałoŭny trenier kamandy Michaił Famienka, adkazvajučy na pytańnie, jak adbivajucca na zbornaj bajavyja dziejańni na Danbasie.
— U nas jość pradstaŭniki danieckaha «Šachciora», dzie adbyvajucca ŭsie hetyja dziejańni. Chłopcy heta abmiarkoŭvajuć. My žyviem u krainie, dzie dastatkova šmat roznabakovaj infarmacyi, i jana nie moža nie zakranać chłopcaŭ».
«U nas jość mahčymaść padtrymać narod svajoj hulnioj, krychu adciahnuć jaho ŭvahu, ale nie dumaju, što heta tak lohka», — skazaŭ Famienka.
Pavodle słoŭ treniera, matč u Barysavie budzie niaprostym. «Zbornaja Biełarusi, jak Ukraina i Makiedonija, stavić zadaču vychadu ŭ finalnuju častku Jeŭra-2016. Hrupa surjoznaja. U biełarusaŭ šmat futbalistaŭ, jakija vystupajuć u Rasii, a rasijski čempijanat nie źjaŭlajecca aŭtsajdaram», — adznačyŭ jon.
Matč druhoha tura adboračnaha turniru čempijanatu Jeŭropy 2016 hoda Biełaruś — Ukraina projdzie 9 kastryčnika na «Barysaŭ-Arenie», pačatak u 21.45 (tranślacyja na «Biełaruś-2»). 12 kastryčnika ŭ hety ž čas kamanda Kandraćjeva prymie słavakaŭ.
U pieršym tury 8 vieraśnia Biełaruś zhulała ŭ haściach ź Luksiemburham uničyju 1:1, a Ukraina sastupiła doma Słavakii — 0:1.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary