Bolš jak 80% inšaziemcaŭ paśla naviedvańnia Biełarusi mianiajuć mierkavańnie ab krainie ŭ lepšy bok
Paśla naviedvańnia Biełarusi bolš za 80% inšaziemcaŭ mianiajuć svajo mierkavańnie ab krainie ŭ lepšy bok. Ab hetym śviedčać vyniki apytańnia, praviedzienaha łatvijskim rekłamnym ahienctvam «AD Hunters Baltics».
«Hramadzianie krain Jeŭrasajuza, asabliva ź Litvy, Łatvii, Hiermanii i Polščy, pry naviedvańni Biełarusi zastajucca ŭ zachapleńni ad paradku ŭ haradach, cudoŭnych daroh, tempu raźvićcia haradoŭ i maštabaŭ budaŭnictva. Heta źviazana z tym, što ŭ krainach Jeŭrasajuza infarmacyja ab Biełarusi padajecca davoli adnaboka i časta havorycca tolki ab jaje prablemach, ale nie ab pośpiechach», — adznačyŭ staršynia praŭleńnia ahienctva Kiastucis Isakas.
Pavodle jaho słoŭ, bolš aktyŭnaja rabota pa pašyreńni stanoŭčaha imidžu Biełarusi za miažoj mahła b nie tolki pavialičyć patok turystaŭ i ŭmacavać vobraz Biełarusi jak sučasnaj, adkrytaj i družalubnaj dziaržavy, ale i stać katalizataram dla pavieličeńnia zamiežnych inviestycyj. U hetym płanie jon stanoŭča acaniŭ efiekt ad praviadzieńnia ŭ Minsku čempijanatu śvietu pa chakiei, jaki staŭ cudoŭnaj rekłamaj biełaruskaj haścinnaści.
U apytańni łatvijskaha rekłamnaha ahienctva pryniali ŭdzieł 546 čałaviek ź Litvy, Łatvii, Estonii, Finlandyi, Polščy i Hiermanii. Amal treć ź ich pradprymalniki, jakija byli pryjemna zadavoleny inviestycyjnym klimatam u Biełarusi i tym, što ŭ krainie stvorany ŭsie ŭmovy dla paśpiachovaha biźniesu. «Prostych turystaŭ ździvili poŭnyja palicy ŭ mahazinach i sučasnyja supiermarkiety, vydatnaja jakaść biełaruskich tavaraŭ. Naprykład, kaśmietyki, praduktaŭ charčavańnia, adzieńnia, budmateryjałaŭ. Adzinaje, u čym Biełaruś ustupaje pakul krainam Jeŭrasajuza, heta absłuhoŭvańnie ŭ siektary hramadskaha charčavańnia. I, viadoma, treba bolš aktyŭna pracavać u śfiery hramadskich adnosin», — skazaŭ Kiastucis Isakas.
«Hunters Communications group» - heta mižnarodnaja hrupa ahienctvaŭ markietynhu i kamunikacyj, jakaja pracuje ŭ Łatvii, Litvie, Biełarusi, Rasii i Estonii. Jana była stvorana ŭ 1993 hodzie.
Kamientary