U Radu prachodziać 7 partyj: absalutnuju pieravahu maje Piatra Parašenki. Za druhoje miesca zmahajucca Radykalnaja partyja ekstravahantnaha deputata Laško i «Narodny front» Jacaniuka—Turčynava.
Pieršaja trojka palityčnych partyj na parłamienckich vybarach 26 kastryčnika pavodle apytańnia sacyjałahičnaj hrupy «Rejtynh» — Błok Piatra Parašenki (33,5%), Radykalnaja partyja Laško (12,8%) i «Narodny front» (8,9%).
Pavodle źviestak apytańnia, jakoje pravodziłasia 1—8 kastryčnika, u Viarchoŭnuju Radu taksama majuć mahčymaść patrapić «Mocnaja Ukraina» Cihipki (7,8%), «Baćkaŭščyna» Julii Cimašenki (6,9%) i «Samapomač» mera Lvova Sadovaha (5,4%), Apazicyjny błok, jaki stvaryŭsia na bazie byłoj Partyi rehijonaŭ, — 5,1%.
Za apošnija dva miesiacy bolš za ŭsio prybaviŭ «Narodny front».
«Hetaja palityčnaja siła zachoŭvaje dynamiku rostu, u toj čas jak takija siły, jak Radykalnaja partyja i «Hramadzianskaja pazicyja» hublajuć svaje pazicyi», — adznačyŭ sacyjołah Alaksiej Ancypovič.
Pavodle jaho słoŭ, «Narodny front» staŭ samym papularnym varyjantam «druhoha vybaru partyj», jaki b mahli zrabić ukraincy 26 kastryčnika. Tak, 10% vybarščykaŭ chočuć padtrymać «Narodny front» u tym vypadku, kali nie prahałasujuć za svaju partyju.
Vykazalisia respandenty i z nahody simpatyj adnosna budučaj kandydatury premjer-ministra. Tak, bolš za tracinu apytanych chacieli b bačyć premjer-ministram paśla vybaraŭ Arsienia Jacaniuka (35%), taksama 9% chacieli b bačyć premjeram Siarhieja Cihipku, pa 5% — Hrycenka i Laško.
«Pry hetym bolš za pałovu (52%) respandentaŭ ličać, što pieršačarhovymi zadačami ŭkrainskaj ułady maje być spynieńnie rostu cenaŭ, a taksama baraćba z karupcyjaj (41%)», — zajaviŭ Ancypovič.
Važnymi zadačami ukraincy taksama ličać lustracyju i niedapuščeńnie rostu biespracoŭja.
Dadzienaje apytańnie było praviedziena 1—8 kastryčnika 2014. Było apytana 2000 respandentaŭ starejšych za 18 hadoŭ va ŭsich rehijonach Ukrainy, akramia Kryma.
Ciapier čytajuć
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ2
Kamientary