Žanr: drama, bajavik, žachi, mistyka
Režysior: Hary Šor
U rolach: Luk Evans, Sara Hadon, Daminik Kupier, Art Parkinsan, Čarlz Dens, Zak Makhoŭn, Tor Kryśćiansan, Dzijarmejd Murta.
ZŠA, 100 chv.
Małady kniaź Uład Cepieš, viadomy jak Drakuła, syn cmoka, užo 10 hadoŭ kiruje Vałachijaj.
Jon lubić svaju žonku Mirenu i syna Inhierasa. Ale kali turecki sułtan Miechmied II patrabuje ad kniazia tysiaču chłopčykaŭ (u tym liku i Inhierasa), Uład idzie na vialikuju achviaru. Kab pieramahčy tureckuju ardu, Drakuła źviartajecca da staražytnaha zła, jakoje daje jamu strašnuju siłu: jon stanovicca vampiram. I tolki kali jon zmoža supraćstajać prazie čałaviečaj kryvi na praciahu 3 dzion, to znoŭ stanie čałaviekam.
Film prapanuje novuju interpretacyju mifa pra transilvanskaha kniazia Ułada III Cepieša, abo Drakułu. Tut prync Vałachii paŭstaje asobaj, addanaj svajoj siamji i narodu. Jon achviaruje saboj, kab abaranić kniastva ad turkaŭ. Za ramantyzacyjaj piersanaža chavajucca šmatlikija žorstkaści, jakija ździejśniŭ histaryčny Cepieš, a vialikaja častka stužki pryśviečanaja vampirskaj temie. Ale zmročnaja vidoviščnaść filma moža pryciahnuć amataraŭ mistyki.
