28 kastryčnika tavarystva «Zialonaja Sietka» i Latučy Univiersitet zaprašajuć na publičnuju lekcyju prafiesara Aleha Čerpa «Scenary budučyni: ekałohija VS palityka»,
jakaja projdzie ŭ halerei «Ŭ» (praśpiekt Niezaležnaści 37a). Pačatak u 19.00. Uvachod volny.
Sučasnyja kamputarnyja madeli i pryrodaznaŭčyja navuki prahnazujuć scenary sacyjalnaha raźvićcia. Pry takich scenarach technična mahčyma jak zachavańnie hłabalnych ekasistem, pierš za ŭsio klimatu, tak i ekanamičny rost. Adnak niezrazumieła, nakolki takija pierśpiektyvy mahčymyja z palityčnaha i sacyjalnaha punktu hledžańnia. Jak źviazana rašeńnie ekałahičnych i ekanamičnych prablem z prablemami humanitarnymi? Jakim budzie čałaviek u hetym «novym śviecie»? Ci mahčyma ŭ ramkach prapanavanych madelaŭ uličyć niavyznačanaść, źviazanuju z čałaviečym faktaram? Što prapanujuć humanitarnyja i sacyjalnyja navuki ŭ ramkach scenaryjaŭ raźvićcia čałaviectva?
Zaprašajem abmierkavać rolu hramadskich navuk u pošukach adkazu na hetaje aktualnaje pytańnie.
Daviedka pra lektara
Aleh Čerp, prafiesar univiersiteta Łunda (Šviecyja), Centralna-jeŭrapiejskaha univiersiteta (Vienhryja). Aleh Čerp źjaŭlajecca prafiesaram kafiedry navuk ab navakolnym asiarodździ i palitycy. Daśledčyja intaresy ŭklučajuć enierhietyčnuju biaśpieku i stratehii ŭstojlivaha raźvićcia ŭ situacyi tranzitu. Byŭ dakładčykam Pracoŭnaj hrupy pa navakolnym asiarodździ (u tym liku źmianieńnie klimatu) Siomaj ramačnaj prahramy (FP7) Jeŭrapiejskaj kamisii. Maje doktarskuju stupień Mančesterskaha ŭniviersiteta, pracavaŭ z NDA i Arhanizacyjaj Abjadnanych Nacyj u Centralnaj Azii, Rasii i Biełarusi.
