Amierykanskija vajskoŭcy źviartalisia da lepšych piśmieńnikaŭ-fantastaŭ u časy Chałodnaj vajny, kab ich kansultacyi nadavali tvorčy impuls navukoŭcam, paviedamiła brytanskaja hazieta The Times.
Zhodna ź infarmacyjaj vydańnia, kłasik navukovaj fantastyki Ajzek (Isaak) Azimaŭ u 1959 hodzie byŭ zaprošany ŭ jakaści kansultanta da sakretnaj hrupy daśledčykaŭ, jakija raspracoŭvali asnovu nacyjanalnaj supraćrakietnaj abarony.
Azimaŭ udzielničaŭ u naradach, adnak admoviŭsia całkam pryśviacić siabie hetamu prajektu, bo niepakoiŭsia, što dostup da sakretnych dadzienych pazbavić jaho mahčymaści volna pisać fantastyku. U toj ža čas jon napisaŭ dla Ahienctva prasunutych navukovych prajektaŭ Ministerstva abarony ZŠA dakład ab tym, jak stymulavać tvorčy patencyjał navukoŭcaŭ, jakija ŭdzielničajuć u dziaržaŭnych prajektach.
Fantast ličyŭ, što narady navukoŭcaŭ, jakija pracujuć na abaronu, musiać prachodzić u volnaj atmaśfiery, kali dazvolena vykazvać lubyja dumki, a viadučyja raspracoŭščyki musiać dumać nad samymi važnymi kancepcyjami i prablemami ŭ adzinocie, padčas maksimalnaha pahružeńnia ŭ śviet svaich dumak.
Azimaŭ naradziŭsia ŭ 1920 hodzie na zachodniaj Smalenščynie (tady — častka Homielskaj hubiernii), jahonaja siamja emihravała ŭ ZŠA ŭ 1923 hodzie.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary