Амерыканскія вайскоўцы звярталіся да лепшых пісьменнікаў-фантастаў у часы Халоднай вайны, каб іх кансультацыі надавалі творчы імпульс навукоўцам, паведаміла брытанская газета The Times.
Згодна з інфармацыяй выдання, класік навуковай фантастыкі Айзэк (Ісаак) Азімаў у 1959 годзе быў запрошаны ў якасці кансультанта да сакрэтнай групы даследчыкаў, якія распрацоўвалі аснову нацыянальнай супрацьракетнай абароны.
Азімаў удзельнічаў у нарадах, аднак адмовіўся цалкам прысвяціць сябе гэтаму праекту, бо непакоіўся, што доступ да сакрэтных дадзеных пазбавіць яго магчымасці вольна пісаць фантастыку. У той жа час ён напісаў для Агенцтва прасунутых навуковых праектаў Міністэрства абароны ЗША даклад аб тым, як стымуляваць творчы патэнцыял навукоўцаў, якія ўдзельнічаюць у дзяржаўных праектах.
Фантаст лічыў, што нарады навукоўцаў, якія працуюць на абарону, мусяць праходзіць у вольнай атмасферы, калі дазволена выказваць любыя думкі, а вядучыя распрацоўшчыкі мусяць думаць над самымі важнымі канцэпцыямі і праблемамі ў адзіноце, падчас максімальнага пагружэння ў свет сваіх думак.
Азімаў нарадзіўся ў 1920 годзе на заходняй Смаленшчыне (тады — частка Гомельскай губерніі), ягоная сям'я эмігравала ў ЗША ў 1923 годзе.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары