Hurt Trubetskoy prezientavaŭ pieršy reliz — maksi-sinhł «Jołki». Jaho premjera adbyłasia 3 listapada na resursach Tut.by (Biełaruś), Jandieks.Muzyka (Rasija) i Radio ROKS (Ukraina). Taksama «Jołki» užo možna spampavać u iTunes, paviedamlajecca ŭ akaŭncie hurtu ŭ Facebook.
Itunes
music.yandex.ru
Tut.by
RadyjoRoks — Ukraina
U sinhł «Jołki» ŭvajšli 4 pieśni. Zahałoŭny trek i pieśnia Do not Touch My Bass napisany ŭ suaŭtarstvie Paŭłam Bułatnikavym i inšymi ŭdzielnikami hurtu, «Pobač» — pieśnia Siarhieja Michałka, a tekst da treku Let It Be napisaŭ Ivan Trafimaŭ, były pradziusar i aŭtar «Zabaronienych barabanščykaŭ».
Usie 4 novyja treki byli zapisanyja ŭ Vilni na studyi narviežskaha saŭndpradziusera Snore Bierhieruda. Pa słovach muzykaŭ, Bierhierud zmoh damahčysia hučańnia, jakoje prykmietna adroźnivaje Trubetskoy jak ad «Lapisaŭ», tak i ad usioj postsavieckaj rok-muzyki naohuł.
«Naša muzyka - heta rok-n-roł u čystym vyhladzie, - kaža Pavieł Bułatnikaŭ. — My chočam, kab jana nie padzialała, a abjadnoŭvała ludziej. Heta naša samaja vialikaja mara».
9 listapada novyja pieśni buduć pradstaŭleny ŭ Maskvie, u kłubie RED, u ramkach kancertnaj prezientacyi prajekta «Lyapis Crew: TRUb́jut», paśla čaho Trubetskoy adpravicca ŭ svoj pieršy tur pa Rasii.
Hurt Trubetskoy uźnik paśla spynieńnia dziejnaści «Lapisa Trubiackoha» 31 žniŭnia. Siarhiej Michałok zasnavaŭ hurt Brutto.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary