«Budzie mahčymaść — abaviazkova pavialičym padtrymku, — skazaŭ Alaksandr Łukašenka.— Ale krychu treba napružycca i maładym siemjam».
Łukašenka źviarnuŭ uvahu na toje, što pry inflacyi 20% ilhotny kredyt pad 4% hadavych źjaŭlajecca faktyčna padarunkam.
Ab hetym zajaviŭ siońnia Alaksandr Łukašenka ŭ čas razmovy z pracoŭnym kalektyvam TAA «Protas» u Mahiloŭskaj vobłaści.
«Dla taho kab rabić padarunki, vy pavinny ŭ piać razoŭ bolš płacić padatkaŭ, inšyja pradpryjemstvy pavinny ŭ 3-4 razy bolš płacić padatkaŭ, kab była mahčymaść stvaryć fond u biudžecie i padaryć maładym siemjam abo siemjam ź dziećmi, šmatdzietnym žyllo. Ale vy nie možacie płacić padatkaŭ u piać razoŭ bolš, - skazaŭ jon. — Nielha padatkovym čynam nahruzić narod i pradpryjemstvy. Dyk adkul uziać hrošy dla taho, kab vydać ich maładym siemjam? Hetych hrošaj niama. My nie drukujem hrošaj, heta pryviadzie da abvału nacyjanalnaj valuty».
Alaksandr Łukašenka padkreśliŭ, što dziaržava robić usio mahčymaje pa maksimumu. Pavodle jaho słoŭ, pry vyznačeńni, kamu akazać padtrymku ŭ pieršuju čarhu, padtrymka akazvajecca šmatdzietnym siemjam. Heta robicca tamu, što ŭ krainie samaja vostraja prablema — pavialičyć naradžalnaść. «U nas nasielnictva nie chapaje, i ja vymušany stymulavać hetu naradžalnaść, — skazaŭ kiraŭnik dziaržavy. — I voś siudy my asnoŭnyja resursy nakiroŭvajem — naradžajcie».
«Ja časta kažu ab tym, što ja vas krychu razduryŭ, — skazaŭ jon. — Nielha zališnie dapamahać čałavieku, pakolki jon tady pierastaje pracavać. Vaźmicie, naprykład, Rasiju: tam mała chto spadziajecca na dziaržavu, čałaviek imkniecca niedzie znajści rabotu i zarabić».
Alaksandr Łukašenka padkreśliŭ, što hrošy ŭ pieršuju čarhu treba zarabić, i ciapier u Biełarusi heta zrabić možna. Bolš mabilnymi pavinny być i sami ludzi, pierajazdžajučy ŭ tyja miaściny, dzie ŭžo jość žyllo i rabota.
-
«Miakka kažučy, mianie tresła». Biełaruska atrymała rachunki na 40 tysiač jeŭra za čatyry dni ŭ šviejcarskaj balnicy
-
«Atrymlivajem abryŭki infarmacyi, u nas niama suviazi». Siastra Maryi Kaleśnikavaj raskazała apošnija naviny pra jaje
-
Vatykan zaprasiŭ Śviatłanu Cichanoŭskuju na pachavańnie Papy Franciška
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary