Śviet2121

Sudździ amierykanskaha štata paŭstali suprać adnapołych šlubaŭ

Jak minimum šeść sudździaŭ zvolnilisia, a mnohija inšyja prosta admovilisia rehistravać tak zvanyja adnapołyja «šluby» u štacie Paŭnočnaja Karalina, paviedamlajuć amierykanskija ŚMI.

U pačatku kastryčnika 2014 hoda fiederalny sud pryznaŭ antykanstytucyjnym toje, što ŭ Paŭnočnaj Karalinie tolki šluby pamiž mužčynaj i žančynaj ličacca sapraŭdnymi. Takim čynam sudździ miascovych hramadzianskich sudoŭ musili pačać vykonvać pastanovu vyšejšaj instancyi — abviaščać sužencami ludziej adnaho połu.

Adnak vykonvać pastanovu admaŭlajucca sudździ miascovychsudoŭ.

Mienš čym za 20 dzion zvolnilisia šeść sudździaŭ, jakija zajavili, što ich chryścijanskija pierakanańni nie dazvalajuć im abviaščać šlubam toje, što im nie źjaŭlajecca.

«Ja musiŭ zrabić heta, bo heta było pytańniem sumleńnia. Zaklučać takija sajuzy budzie parušeńniem zapavietaŭ Hospada, tamu ja nie mahu hetaha rabić», — skazaŭ, naprykład, sudździa Bił Ściviensan.

Sudździa Hiejł Miryk zaznačyła, što jana vykonvała svaje abaviazki biesstarońnie. Ale ŭ dadzienym vypadku parušajecca svaboda vieravyznańnia, bo ad jaje patrabujuć iści suprać svaich pierakanańniaŭ.

«Kab pracavać dalej, ja musiła b zdradzić tamu, u što ja vieru», — skazała sudździa.

Inšyja sudździ nie syšli ŭ adstaŭku, ale zajavili, što prosta admaŭlajucca rehistravać adnapołyja «šluby». Heta moža pryvieści da ich zvalnieńnia.

Siabry Respublikanskaj partyi ŭ sienacie Paŭnočnaj Karaliny prapanujuć dazvolić dziaržaŭnym słužačym nie ŭdzielničać u rehistracyi takich «šlubaŭ», kali heta supiarečyć ich relihijnym pierakanańniam.

«Prymušać sudździu vybirać pamiž svaim pravam na relihijnuju svabodu i pracoŭnym miescam — heta prosta niedapuščalna», — zajaviŭ respublikaniec Fił Bierhier.

Katalickaja Carkva, usie kananičnyja Pravasłaŭnyja Cerkvy i mnohija pratestanckija denaminacyi vyznajuć šlubam tolki sajuz mužčyny i žančyny. 

Kamientary21

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Mabilny Anžaliki Mielnikavaj z 19 sakavika znachodzicca na terytoryi Biełarusi63

Mabilny Anžaliki Mielnikavaj z 19 sakavika znachodzicca na terytoryi Biełarusi

Usie naviny →
Usie naviny

«Mahčyma, u mianie niejkija italjanskija karani». Sabalenka parazvažała pra nacyjanalny charaktar biełarusaŭ7

U Hrodzienskuju milicyju pranik niezvyčajny «dyviersant» VIDEA6

Chto moh by stać prezidentam Biełarusi ŭ 2035 hodzie — analizuje Šrajbman52

Tramp zajaviŭ, što jon «vielmi raźjušany» pavodzinami Pucina22

U Rasii vysokapastaŭleny čynoŭnik zhulaŭ u chakiej i pamior3

Mnohija robiać toje, što i Tramp. Tolki cichieńka i biez ekstravahancyi28

Zvaliŭsia ŭ brudnuju łužynu i prasiadzieŭ u poli ŭsiu noč u maroz. Jak uratavali 10-hadovaha Stasa, jaki źnik u Baranavickim rajonie1

Hienierał Suravikin u kastryčniku 2022 hoda prapanoŭvaŭ udaryć jadziernaj zbrojaj, kab spynić ukrainski nastup6

Prarasijskaha aktyvista, paplečnika Mirsalimavaj asudzili na 10 sutak za «ekstremizm»7

bolš čytanych navin
bolš łajkanych navin

Mabilny Anžaliki Mielnikavaj z 19 sakavika znachodzicca na terytoryi Biełarusi63

Mabilny Anžaliki Mielnikavaj z 19 sakavika znachodzicca na terytoryi Biełarusi

Hałoŭnaje
Usie naviny →

Zaŭvaha:

 

 

 

 

Zakryć Paviedamić