Dziakujučy vielmi ciopłamu nadvorju ŭ Biełarusi praciahvajuć abnaŭlacca tempieraturnyja rekordy. 5-7 listapada ŭstanoŭlenyja novyja absalutnyja maksimumy dnia ŭ maštabie ŭsioj krainy.
7 listapada raniejšy rekordny pakazčyk (17,4 hradusa vyšej za nul ŭ 1997 hodzie ŭ Breście) byŭ pieravyšany na 3,1 hradusa: u Drahičynie (Bresckaja vobłaść) sinoptyki zafiksavali 20,5 hradusa, śviedčyć tempieraturnaja karta pahodnaha resursu meteoinfo.by.
Novyja rekordy zarehistravanyja ŭ Breście — plus 18,3 hradusa, Hrodna — 14 (13,9 u 1997 hodzie), Mahilovie — 11,8 (11,7 u 1996 hodzie) i Minsku — 14,6 (12,5 u 1954 hodu ). Dniom raniej u stalicy byŭ pabity rekord 84-hadovaj daŭniny: słupok termomietra padniaŭsia da adznaki 14,5 hradusa (było 12,4 ŭ 1930 hodzie).
Piaciorka absalutnych maksimumaŭ listapada ŭ Minsku ciapier vyhladaje tak: plus 16 hradusaŭ 1 listapada 1926 h., 15,8 hradusa 17 listapada 2002 hoda, 14,6 hradusa 7 listapada 2014 h., 14,5 hradusa 6 listapada 2014 hoda, 13,8 hradusa 4 Listapad 1996.
8 listapada na nadvorje ŭ krainie budzie ŭpłyvać chałodny front, stanie chaładniej.
Varta adznačyć, što jašče dva tydni tamu sinoptyki rehistravali pa načach novyja absalutnyja minimumy.
Delehatka KR Karpušonak paśla maŭčańnia apublikavała videa31
Delehatka KR Karpušonak paśla maŭčańnia apublikavała videa
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1616
Kamientary