Rasijskija aŭtadylery čakajuć pavyšeńnia cenaŭ na aŭtamabili. Zamiežnyja kampanii-vytvorcy pierahladajuć svaju cenavuju palityku ŭ dačynieńni da Rasii. Źviazana heta pierš za ŭsio z padzieńniem kursa rubla.
Sa studzienia 2014 hoda dalar padaražeŭ na 36%, i tolki ŭ kastryčniku rost skłaŭ 13%. Jeŭra nie adstaje: z pačatku hoda jeŭrapiejskaja valuta padaražeła na 26%, a ŭ kastryčniku rost amal adpaviadaŭ amierykanskamu dalaru — 11%.
Pa pryčynie istotnaha pasłableńnia kursu rubla siaredniaje značeńnie koštu novaha aŭtamabila pavysiłasia na 9%. Heta istotna pieravyšaje letašni rost. Ciapier siaredniaja cana na novy lehkavy aŭtamabil skłała 990 tys. rasijskich rubloŭ (trochi bolš za $21.000).
Trochi pavolniej rastuć ceny na inšamarki, jakija źbirajucca na rasijskich mahutnaściach. Mnohija aŭtasałony płanujuć palityku strymlivańnia koštaŭ da nastupleńnia 2015 hoda, kab nie abrunuć prodažy ŭ aŭtasałonach. Usie aŭtamabili zamiežnaj vytvorčaści, vypuščanyja ŭ 2015 hodzie, pojduć na rasijski rynak z novymi ceńnikami.
Lidarami rostu na siońniašni dzień źjaŭlajucca suśvietnyja vytvorcy: Nissan, Ford i Renault.
Rasijski aŭtamabilny rynak siarod biełarusaŭ nabyŭ u apošni čas šyrokuju papularnaść. Viazuć z susiedniaj krainy ŭ asnoŭnym lehkavuški siaredniaj cenavaj katehoryi.
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary