U Chabaraŭsk prybyła pieršaja bujnaja partyja praduktaŭ z Respubliki Biełaruś.
Pra heta paviedamiła pres-słužba hubiernatara Chabaraŭskaha kraja. Bolš za 100 ton charčavańnia dastavili ŭ rehijon hruzavikami, jakija jechali na Daloki Uschod 10 dzion, a ŭžo siońnia syry, małako, kaŭbasy i kuryca zapoŭnili pryłaŭki bujnoj sietki supiermarkietaŭ.
U krajavym ministerstvie sielskaj haspadarki i charčavańnia padkreślili, što chabaraŭski rytejler zaklučyŭ pramyja damovy ź biełaruskimi vytvorcami praduktaŭ. Heta dazvoliła ŭtrymać ceny na prymalnym uzroŭni.
Kiraŭnik adździaleńnia pasolstva Respubliki Biełaruś u Chabaraŭsku Uładzimir Maksimaŭ adznačyŭ: «My arhanizavali pramyja pastaŭki pad kiraŭnictvam miascovaha Minsielhascharča ŭ kamiercyjnym partniorstvie z handlovaj sietkaj TAA «Nievada-Vostok». My jaje doŭha vybirali. Heta sietka, jakaja maje vialiki vopyt pastaŭki pradukcyi lubych vytvorcaŭ. U ich adpracavana i łahistyka, i vielmi žorstki padychod da jakaści».
Pa słovach Uładzimira Maksimava u inšyja sietki tavary pastupajuć ad pierakupščykaŭ i cenavuju palityku jany vyznačajuć sami ŭ adroźnieńni ad ustanoŭlenych damoŭlenaściaŭ «biez pasiarednikaŭ».
Daručeńnie ab pašyreńni pastavak praduktaŭ ź Biełarusi daŭ hubiernatar Chabaraŭskaha kraju Viačasłaŭ Šport. U lipieni jon naviedaŭ šerah charčovych pradpryjemstvaŭ Biełarusi. Pastaŭki biełaruskaj pradukcyi, na dumku miascovaha kiraŭnictva, dapamohuć zamianić u Chabaraŭsku i rehijonie tavary, uvoz jakich u Rasiju byŭ zabaronieny ŭ žniŭni.