«11 listapada kala 13.30 pry praviadzieńni płanavych palotaŭ u vyniku niaštatnaj situacyi adbyłasia avaryja samalota Mih-29 61-j źniščalnaj avijacyjnaj bazy VPS i vojskaŭ SPA. Lotčyk katapultavaŭsia», — havorycca ŭ paviedamleńni na sajcie Ministerstva abarony
«Śledčaja hrupa HSU vybyła na miesca krušeńnia samalota ŭ Bresckaj vobłaści. Dla kaardynacyi pracy na miesca zdareńnia vybyŭ taksama pieršy namieśnik Staršyni Śledčaha kamiteta Alaksiej Vołkaŭ. Ab chodzie raboty budziem dynamična infarmavać», — paviedamiła ŭ svaim fejsbuku pradstaŭnik Śledčaha kamiteta Julija Hančarova.
Paźniej jana dadała, što praca pa zdareńni ažyćciaŭlajecca ŭ ciesnym uzajemadziejańni ź Ministerstvam abarony Biełarusi.
U vyniku padzieńnia samalota paciarpiełych i razbureńniaŭ niama. Piłot, znojdzieny siłami pošukava-vyratavalnaj kamandy, nie paciarpieŭ.
Stała viadoma, što samalot upaŭ la vioski Litva Lachavickaha rajona.
Pryznačanaja kamisija vajennaha viedamstva dla vyśviatleńnia pryčyn taho, što zdaryłasia.
Zaviedziena kryminalnaja sprava pa č1. art. 465 KK (parušeńnie praviłaŭ palotaŭ albo padrychtoŭki da ich ci inšych praviłaŭ ekspłuatacyi vajskovych latalnych aparataŭ, što paciahnuła śmierć čałavieka albo inšyja ciažkija nastupstvy).
***
Nahadajem, što 30 vieraśnia ŭ Lidskim rajonie paciarpieŭ krušeńnie samalot Su-25 116-j šturmavoj avijacyjnaj bazy. Lotčyk katapultavaŭsia. Na ziamli paciarpiełych i razbureńniaŭ taksama nie było — šturmavik zvaliŭsia ŭ biaźludnaj miascovaści
Ciapier čytajuć
«Heta maja mara ź dziacinstva». Na kastynh «Mis Biełaruś» pryjšła dziaŭčyna, jakaja pracuje ŭ turmie Mahilova30
Kamientary